ట్రెండింగ్
శాసనమండలి నుంచి వైసీపీ వాకౌట్
Andhra Pradesh Telugu | Suryaa Desk | Published : Mon, Nov 18, 2024, 09:13 PM
విద్యుత్ ఛార్జీలపై మండలిలో చర్చ జరగ్గా.. విద్యుత్ ఛార్జీల పెంపునకు నిరసనగా మండలి నుంచి వైఎస్సార్‌సీపీ వాకౌట్ చేసింది. గత ప్రభుత్వ హయాంలో విద్యుత్‌శాఖలో రూ.1.29లక్షల కోట్ల అప్పులు చేసిందని ఏపీ మంత్రి గొట్టిపాటి రవికుమార్ అన్నారు. పీపీఏలు రద్దు చేయవద్దని కేంద్ర ప్రభుత్వం చెప్పినా గత ప్రభుత్వం పెడచెవిన పెట్టిందని.. దీని వల్ల పెట్టుబడులు వెనక్కి వెళ్తాయన్నా వినలేదని చెప్పారు. శాసన మండలిలో ప్రశ్నోత్తరాల సమయంలో పలువురు సభ్యుల ప్రశ్నలకు మంత్రి సమాధానమిస్తూ మాట్లాడారు. విద్యుత్ వ్యవస్థను గాడిన పెట్టేలా కూటమి ప్రభుత్వం చర్యలు తీసుకుంటుందన్నారు. వ్యవసాయం కోసం వినియోగించే మోటార్లకు స్మార్ట్‌ మీటర్లు బిగించే ప్రసక్తే లేదని మంత్రి గొట్టిపాటి రవికుమార్ తెలిపారు.
|
|