అమెరికాలో భారతీయుల హవా.. ఈ ఏడాది ఎంతమంది సిటిజెష్‌షిప్ పొందారో తెలుసా

అగ్రరాజ్యం అమెరికాలో జీవించాలని ప్రపంచ వ్యాప్తంగా ఉన్న ప్రజలు కోరుకుంటారు. అందుకే ఏటా అనేక మంది అక్కడకు వెళ్తూ.. అమెరికా పౌరసత్వాన్ని పొందేందేకు ఎంతో ప్రయత్నిస్తారు. ఇలా చేసేవాళ్లలో భారతీయులు కూడా ఉన్నారు. అయితే 2024 ఆర్థిక సంవత్సరానికి గాను అనేక మంది ఇండియన్స్ యూఎస్ పౌరసత్వాన్ని పొందారు. మొత్తంగా 49 వేల 700 మంది సహజీకృత పౌరసత్వం కింద అమెరికా సిటిజెష్‌షిప్ దక్కించుకున్నారు. ఈ పద్ధతిలో అమెరికా పొరులుగా మారిన జాబితాలో భారత్ రెండో అతిపెద్ద సమూహంగా నిలిచింది.

6.1 శాతంతో రెండో స్థానంలో నిలిచిన భారత్..!

2024 ఆర్థిక సంవత్సరంలో అమెరికా పౌరసత్వాన్ని పొందిన మొదటి ఐదు దేశాల్లో.. మెక్సికో మొదటి స్థానంలో నిలిచింది. మొత్తంగా 13.1 శాతం మంది మెక్సికన్లకు యూస్ గ్రీన్ కార్డ్ లభించింది. ఇక రెండో స్థానంలో భారత్ 6.1 శాతంతో నిలవగా.. మూడో స్థానంలో ఫిలిప్పీన్స్ 5.0 శాతంగా నిలిచింది. ఇక నాలుగో స్థానంలో డిమినికన్ రిపబ్లిక్ 4.9 శాతంగా ఉండగా.. వియత్నాం 4.1 శాతంతో ఐదో స్థానాన్ని దక్కించుకుంది. అయితే తాజాగా పౌరసత్వం పొందిన ఈ 5 దేశాల ప్రజలు.. మొత్తం అమెరికా పౌరుల్లో 33 శాతం మంది కావడం గమనార్హం.

ఈ ఏడాది అమెరికా గ్రీన్ కార్డ్ పొందిన భారతీయుల్లో 70 శాతం మంది ప్రజలు ఎక్కువగా 10 రాష్ట్రాల్లోనే జీవిస్తున్నారు. అందులో కాలిఫోర్నియా, ప్లోరిడా, న్యూయార్క్, టెక్సాస్, న్యూజెర్సీ, ఇల్లినాయిస్, వర్జీనియా, జార్జియా, మసాచుసెట్స్, వాషింగ్టన్. ఇందులోనూ 50 శాతం కంటే ఎక్కువ మంది ఇండియన్ మొదటి నాలుగు రాష్ట్రాల్లోనే నివసిస్తున్నారు. 2022లో లక్షా 28 వేల 878 మంది మెక్సికన్లు, 65 వేల 960 మంది భారతీయులు అమెరికా పౌరసత్వం పొందారు. అలాగే 53 వేల 413 మంది ఫిలిప్పీన్స్, 46 వేల 913 క్యూబన్లు గ్రీన్ కార్డు పొందినట్లు కాంగ్రెషనల్ రీసెర్చ్ సర్వీస్ తెలిపింది.

సహజీకృత పౌరసత్వం అనేది విదేశాల్లో జన్మించిన వ్యక్తులు అమెరికా పౌరులుగా మారే ప్రక్రియ. దీనికోసం పౌరులు జన్మించిన దేశంతో పాటు ఎల్‌పీఆర్‌లు అయ్యి ఉండాలి. అంతేకాకుండా అమెరికన్ ఇంగ్లీషును సులువుగా మాట్లాడ గల్గాలి. యూస్ ప్రభుత్వ పరీక్షలో ఉత్తీర్ణత సాధించి, ఇంటర్వ్యూకు కూడా హాజరు కావాలి. వీటన్నిటినీ పరిగణలోకి తీసుకునే యూస్ సిటిజెష్‌షిప్ ఇస్తుంది అగ్రరాజ్యం. గ్రీన్ కార్డు పొందిన వారంతా అమెరికా పౌరుల వలే అన్ని హక్కులను కల్గి ఉంటారు.