ప్రధాని మోదీ ఖాతాలో మరో అవార్డు.. అత్యున్నత పురస్కారంతో కువైట్ సత్కారం
national | Suryaa Desk | Published : Sun, Dec 22, 2024, 08:17 PM
ప్రధానమంత్రి నరేంద్ర మోదీకి మరో గౌరవం లభించింది. ప్రస్తుతం కువైట్‌లో పర్యటిస్తున్న ప్రధాని మోదీకి.. కువైట్ ప్రభుత్వం.. ఆ దేశ అత్యున్నత పురస్కారం అయిన "ది ఆర్డర్ ఆఫ్‌ ముబారక్‌ అల్ కబీర్‌"తో సత్కరించింది. కువైట్ ఎమిర్ షేక్ మిశాల్ అల్-అహ్మద్ అల్-జాబెర్ అల్-సబా.. స్వయంగా ఈ అవార్డును ప్రధాని మోదీకి అందించారు. దీంతో పలు దేశాల నుంచి ఇప్పటివరకు ప్రధాని మోదీకి 20వ అంతర్జాతీయ అవార్డు లభించినట్లయింది. కువైట్‌తో స్నేహానికి గుర్తుగా.. వివిధ దేశాల అధినేతలకు, రాజ కుటుంబ సభ్యులకు అక్కడి ప్రభుత్వం ఈ పురస్కారం అందిస్తుంది. ఇక ఆదివారం ఆ దేశ ఎమిర్‌తో సమావేశమైన మోదీ.. ఇరుదేశాల మధ్య సంబంధాలు, ఫార్మా, ఐటీ, ఫిన్‌టెక్, సెక్యూరిటీ సహా కీలక రంగాల్లో సహకారంపై చర్చించారు. అంతేకాకుండా కువైట్‌లో దిగిన తర్వాత ప్రవాస భారతీయులను కలిసి.. ప్రధాని ముచ్చటించారు.
|
|