ట్రైన్ జర్నీ ఇలా కూడా చెయ్యొచ్చా..? 250 కిలోమీటర్లు, రూపాయి లేకుండా

రూపాయి ఖర్చు లేకుండా ప్రయాణం చేయాలనుకునే వాళ్లు రైల్లల్లో ఎక్కువగా కనిపిస్తుంటారు. టిక్కెట్లు తీసుకోకుండానే జనరల్ బోగీల్లో ఎక్కేసి ఎంచక్కా గమ్యస్థానాలకు చేరిపోతుంటారు. పొరపాటున టీసీ రావడం గమనిస్తే మాత్రం అతడి నుంచి తప్పించుకోవడానికి అనేక రకాల ప్రయత్నాలు చేస్తారు. బాత్రూంలో దాక్కోవడమో, పక్క బోగీలోకి పారిపోవడమో, అప్పటికే ఏదైనా స్టేషన్ వస్తే అక్కడ దిగిపోవడమో చేస్తుంటారు. కానీ మనం ఇప్పుడు మాట్లాడుకోబోయే వ్యక్తి మాత్రం ఊహకందని రీతిలో రైలు ప్రయాణం చేశాడు. మొత్తం 250 కిలో మీటర్లు రూపాయి ఖర్చు లేకుండా వచ్చాడు. కానీ చివరకు అధికారుల చిక్కి ఊచలు లెక్కబెడుతున్నాడు. ఆ విశేషాలు ఏంటో మనం ఇప్పుడు చూద్దాం.

మధ్యప్రదేశ్‌లోని ఇటార్సీ ప్రాంతంలో ఆగి ఉన్న ఓ ఎక్స్‌ప్రెస్ రైలు చూడగానే.. ఓ యువకుడు అందులోకి ఎక్కి ప్రయాణం చేయాలనుకున్నాడు. కానీ డబ్బులు చెల్లించాల్సి వస్తుందని భయపడ్డాడు. టిక్కెట్టు తీసుకోకుండా, టీసీ కూడా గుర్తించకుండా ప్రయాణిస్తే బాగుంటుందని భావించాడు. ఈక్రమంలోనే ఎవరూ ఊహించని విధంగా రైలు బోగీ కిందకు దూరాడు. రెండు పట్టాల మధ్య ఇన్న ఓ ఇనుక కడ్డీపై పడుకుని ఎవరికీ కనిపించకుండా ప్రయాణం చేశాడు. అయితే రైలు అనేక స్టేజీల వద్ద ఆగినప్పటికీ అతడు మాత్రం రైలు దిగలేదు.

ఎంతో ప్రమాదకరమైన స్థితిలో రైలు ఎక్కి ప్రయాణం చేస్తున్న ఇతడిని ఓ ఒక్కరూ గుర్తించలేకపోయారు. అయితే జబల్‌పూర్ రైల్వే స్టేషన్ వద్ద రైలు ఆగగా.. అటు నుంచి వెళ్తున్న అధికారులకు వ్యక్తి కాళ్లు కనిపించాయి. అది చూసిన వెంటనే కాస్త వంగి లోపలికి తొంగి చూశారు. అక్కడ ఓ మనిషి ఉన్నట్లు గుర్తించి అతడిని కిందకు దిగమని పిలిచారు. అయితే దొరికిపోయిన భయంతో బిక్కుబిక్కుమంటూ ఆ వ్యక్తి బయటకు వచ్చాడు. ఎందుకు అందులో దూరావని అధికారులు ప్రశ్నించగా... తన వద్ద డబ్బులు లేవని అందుకే ఇలా ప్రయాణం చేశానంటూ చెప్పుకొచ్చాడా వ్యక్తి.

వెంటేన అతడిని అదుపులోకి తీసుకుని రైల్వే అధికారులు విచారణ చేపట్టారు. ఈక్రమంలోనే వ్యక్తి మానసిక పరిస్థితి బాగాలేదని గుర్తించారు. అతడు ఏం చేశాడో కూడా అతడికి గుర్తు లేదని అధికారులు వెల్లడించారు. ఏదేమైనా సరే ప్రమాదకర స్థితిలో 250 కిలో మీటర్ల ప్రయాణం చేసిన ఇతడిని చూసిన ప్రయాణికులు అంతా షాక్ అవుతున్నారు. అంతసేపు అక్కడ ఎలా ఉండగలిగాడంటూ ఆశ్చర్యపోతున్నారు. అతడి ఆరోగ్య పరిస్థితి బాగాలేదు కాబట్టి.. అధికారులే దగ్గరుండి అతడిని స్వగ్రామానికి చేర్చాలని కూడా పలువురు ప్రయాణికులు కోరుతున్నారు.