వచ్చే వారం బ్యాంకులకు 4 రోజుల సెలవులు.. వినియోగదారులు అప్రమత్తంగా ఉండండి!

ప్రతి నెలలో బ్యాంకుల సెలవులను రిజర్వ్ బ్యాంక్ ఆఫ్ ఇండియా (RBI) ఖరారు చేస్తుంది. ఏ తేదీలలో ఏ కారణాల వల్ల సెలవులు ఉండబోతున్నాయో ముందుగానే ప్రకటిస్తుంది. ఇదే క్రమంలో, వచ్చే వారం నాలుగు రోజుల పాటు బ్యాంకులు మూసి ఉండనున్నాయి.ఈ నేపథ్యంలో మీకు బ్యాంకుకు వెళ్లి పనులు చేయాల్సిన అవసరం ఉంటే, ఈ వారం శుక్రవారం రోజే వాటిని పూర్తి చేసుకోవడం ఉత్తమం. ఎందుకంటే, ఆగస్టు 25 (సోమవారం) నుంచి 31 (ఆదివారం) మధ్య, నాలుగు రోజులు బ్యాంకులు మూసి ఉంటాయి. ముఖ్యంగా సోమవారం, బుధవారం, గురువారం రోజులు సెలవులు కాగా, ఆదివారం అయితే సాధారణ సెలవు దినమే.అయితే, ఈ సెలవులు అన్ని రాష్ట్రాల్లో వర్తించకపోవచ్చు. పండగలు, ప్రాంతీయ ఉత్సవాల ప్రకారం, కొన్ని రాష్ట్రాల్లో మాత్రమే బ్యాంకులు మూసి ఉంటాయి. కాబట్టి, మీ ప్రాంతానికి సంబంధించిన సెలవుల జాబితాను ఒకసారి పరిశీలించడం మంచిది.
*ఆగస్టు 2025 సెలవుల జాబితా
ఆగస్టు 25 (సోమవారం) - శ్రీమంత శంకరదేవ తిరుభవ తిథి - గౌహతిలో మాత్రమే సెలవు
ఆగస్టు 27 (బుధవారం) - గణేష్ చతుర్థి / గణేష్ పూజ - ముంబై, నాగ్‌పూర్, చెన్నై, హైదరాబాద్ మొదలైన నగరాల్లో సెలవు.
ఆగస్టు 28 (గురువారం) - గణేష్ చతుర్థి (రెండవ రోజు) / నువాఖై - భువనేశ్వర్, పనాజీలో బ్యాంకులు మూసి ఉంటాయి.
ఆగస్టు 31 (ఆదివారం) - ఆదివారం కారణంగా అన్ని రాష్ట్రాల్లో బ్యాంకులకు సెలవు.
*డిజిటల్ సేవలు అందుబాటులో:బ్యాంకులు మూసి ఉన్నప్పటికీ, ఆన్‌లైన్ బ్యాంకింగ్, మొబైల్ బ్యాంకింగ్, UPI, ATM వంటి సేవలు యథావిధిగా అందుబాటులో ఉంటాయి. అయితే, చెక్ క్లియరింగ్, డ్రాఫ్ట్ తయారీ, ఫిజికల్ డాక్యుమెంట్ ప్రాసెసింగ్ వంటి సేవలు అందుబాటులో ఉండవు.అందువల్ల, మీకు ఏదైనా ముఖ్యమైన బ్యాంకింగ్ పని ఉంటే, సెలవులకు ముందే లేదా తరువాత ప్లాన్ చేసుకోవడం ఉత్తమం.