కిసాన్ మహా పంచాయత్’లో పాల్గొననున్న ప్రియాంక
national | Suryaa Desk | Published : Wed, Feb 10, 2021, 09:24 AM
లక్నో : కేంద్రం తీసుకువచ్చిన వ్యవసాయ చట్టాలపై తీవ్ర వ్యతిరేకత ఎదురవుతున్న క్రమంలో ఉత్తర్ప్రదేశ్లో ‘జై జవాన్.. జై కిసాన్’ ఉద్యమాన్ని కాంగ్రెస్ బుధవారం ప్రారంభించనుంది. ఇందులో ఆ పార్టీ ప్రధాన కార్యదర్శి ప్రియాంక గాంధీ వాద్రా పాల్గొననున్నారు. సహరన్పూర్ వేదికగా జరగనున్న ‘కిసాన్ మహా పంచాయత్’ కార్యక్రమంలో ప్రియాంక గాంధీతో పాటు పలువురు కాంగ్రెస్ నేతలు పాల్గొంటారని యూపీ కాంగ్రెస్ మీడియా కన్వీనర్ లలన్ కుమార్ ప్రకటించారు. రాష్ట్రంలో పది రోజుల పాటు ‘జై జవాన్.. జై కిసాన్’ ఉద్యమం జరగనుంది. రాష్ట్రంలోని 27 జిల్లాలో కార్యక్రమాన్ని ప్రారంభిస్తామని, సీనియర్ నేతలు పాల్గొననున్నట్టు పేర్కొన్నారు. సాగు చట్టాలకు వ్యతిరేకంగా ఇప్పటికే రైతులకు మద్దతుగా నిలిచిన కాంగ్రెస్.. ఈ కార్యక్రమంతో వచ్చే ఏడాది జరగనున్న అసెంబ్లీ ఎన్నికలపై పట్టు సాధించాలని భావిస్తోంది. ప్రియాంక తన పర్యటనలో శకుంభ్రేదేవి ఆలయంలో పూజలు చేయనున్నారు. 13న బిజ్నూర్, ముజఫర్నగర్ జిల్లాల్లోని రైతులను కావాలని సైతం భావిస్తున్నారు.
|
|