ఈ బిజినెస్ తో మంచి లాభాలు

తక్కువ పెట్టుబడితో సొంతంగా ఏదైనా వ్యాపారం చేయాలనుకుంటున్నారా? అయితే వ్యాపారం ప్రారంభించి సేల్స్ చేయడంపై మీకు అవగాహన ఉంటే చాలు. మంచి ఆదాయం పొందొచ్చు. కొన్ని వ్యాపారాలకు ప్రభుత్వ సహకారం కూడా ఉంటుంది. తక్కువ పెట్టుబడితో చేసే వ్యాపారాల్లో పచ్చళ్ల వ్యాపారం కూడా ఒక ఆప్షన్ గా చెప్పుకోవచ్చు. ఈ వ్యాపారాన్ని ఇంట్లోనే ప్రారంభించొచ్చు. కేవలం రూ.10,000 పెట్టుబడితో ఈ వ్యాపారం ప్రారంభించొచ్చు. వ్యాపారం పుంజుకున్న తర్వాత పెట్టుబడిని పెంచుకోవచ్చు.

ఇలాంటి చిరు వ్యాపారాలు చేయాలనుకునేవారికి కేంద్ర ప్రభుత్వం నుంచి సహకారం కూడా లభిస్తుంది. చిన్న వ్యాపారాలకు బ్యాంకుల నుంచి లోన్ కూడా లభిస్తుంది. మొదట రూ.10,000 పెట్టుబడితో పచ్చళ్ల వ్యాపారం ప్రారంభించి ఆ తర్వాత బ్యాంకులు, ప్రభుత్వ రుణ పథకాల సహకారంతో వ్యాపారాన్ని విస్తరించొచ్చు. ముద్ర లోన్, ఎంఎస్ఎంఈ రుణాలకు దరఖాస్తు చేయొచ్చు.

ఇక పచ్చళ్ల వ్యాపారం చేయాలంటే పచ్చళ్లు మంచిగా తయారు చేయడం తెలిసి ఉండాలి. ముడిసరుకు కోసం రూ.10,000 పెట్టుబడి చాలు. మంచి రుచితో పాటు ప్యాకేజింగ్‌తో కస్టమర్లను ఆకట్టుకోవాలి. ఆన్‌లైన్‌లో కూడా పచ్చళ్లు అమ్ముకోవచ్చు. ఆన్‌లైన్ ప్లాట్‌ఫామ్స్‌లో పచ్చళ్లను ఎక్కువ మంది కొంటుంటారు. అలాంటి ఆన్‌లైన్ ప్లాట్‌ఫామ్స్‌లో పచ్చళ్లను అమ్ముకోవచ్చు. ఆన్‌లైన్‌తో పాటు రీటైల్ మార్కెట్లు, రీటైల్ చైన్స్ ద్వారా పచ్చళ్లను అమ్మొచ్చు.

పచ్చళ్ల వ్యాపారాన్ని ప్రారంభించడానికి కేవలం 900 చదరపు అడుగుల స్థలం ఉంటే చాలు. పచ్చళ్లను తయారు చేయడం, ముడిసరుకును ఆరబెట్టం, పచ్చళ్లను ప్యాక్ చేయడం, స్టోర్ చేయడం లాంటివన్నీ ఈ స్థలంలోనే చేయొచ్చు. పచ్చళ్లు పాడవకుండా జాగ్రత్తపడాలి. ఈ వ్యాపారం ద్వారా నెలకు రూ.30,000 ఆదాయం కూడా పొందొచ్చు. సేల్స్ ఎక్కువగా ఉన్నప్పుడు పెట్టుబడి పెంచుకుంటే మరింత లాభం ఉంటుంది. పచ్చళ్ల వ్యాపారానికి సంబంధించిన అనుమతులతో పాటు ఆహారపదార్థాలకు సంబంధించిన బిజినెస్ కాబట్టి ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా లైసెన్స్ కూడా ఉండాలి. ఆన్‌లైన్‌లో ఈ లైసెన్స్ కోసం దరఖాస్తు చేసుకోవచ్చు.