ఆ ఇద్దరిలో తన భార్య ఎవరు అని చూస్తున్న గౌతమ్ కిచ్లు
cinema | Suryaa Desk | Published : Fri, Feb 05, 2021, 12:20 PM
టాలీవుడ్ చందమామ కాజల్ అగర్వాల్ గత ఏడాది గౌతమ్ కిచ్లు అనే వ్యక్తిని పెళ్ళాడిన సంగతి తెలిసిందే. వీరిద్దరికి ఎప్పటి నుండో పరిచయం ఉండగా, ఎక్కడా కూడా రివీల్ కాకుండా జాగ్రత్తపడ్డారు. అసలు పెళ్లికి కొద్ది రోజుల ముందు వరకు కాజల్ ప్రేమాయణం గురించి ఎవరికి తెలియదు. ఇప్పుడిప్పుడే కాజల్ తన పాత జ్ఞాపకాలని ఒక్కొక్కటిగా బయటకు తీస్తుంది. ఇందులో భాగంగా సరిగ్గా ఏడాది క్రితం అంటే ఫిబ్రవరి 5,2020న కాజల్ తన మైనపు విగ్రహాన్ని ఆవిష్కరించింది.
మైనపు విగ్రహాన్ని ఆవిష్కరించిన సమయంలో కాజల్ కుటుంబ సభ్యులు కనిపించారు. గౌతమ్ అనే వ్యక్తి కూడా ఈ కార్యక్రమానికి హాజరైన అతనిని ఎవరు గుర్తు పట్టలేదు. అయితే ఇప్పుడు కాజల్, ఆమె మైనపు విగ్రహాలతో కలిసి గౌతమ్ కిచ్లు దిగిన ఫొటోని షేర్ చేసింది . ఇందులో గౌతమ్ తన భార్య ఎవరు అన్నట్టుగా ఫేస్ పెట్టాడు. ప్రస్తుతం ఈ ఫొటో సోషల్ మీడియాలో తెగ హల్ చల్ చేస్తుండగా, నెటిజన్స్ను ఎంతగానో ఆకట్టుకుంటుంది.
|
|