ప్రభాస్ సినిమాలో నటించాలంటే ఇలా చేయండి

ప్రభాస్ సినిమలో నటించడం అంటే పాన్ ఇండియన్ సినిమాలో కనిపించడమే. ఆయనతో నటిస్తే దేశమంతా చూస్తుంది. అందుకే ప్రభాస్ సినిమాలో నటించడానికి ఎంతోమంది నటులు ఆసక్తి చూపిస్తున్నారు. అంతేకాదు కొత్త వాళ్లకు కూడా అవకాశం ఇవ్వడానికి ఆయనతో సినిమాలు చేసే దర్శకులు ఆసక్తి చూపిస్తున్నారు. ఇప్పటికే సలార్ కోసం కాస్టింగ్ కాల్ ఇచ్చాడు ప్రశాంత్ నీల్. ఆయన ఇచ్చిన కాల్‌కు వేలల్లో ఆసక్తి ఉన్న వాళ్లు వచ్చారు. తమ టాలెంట్ చూపించి సినిమాలో ప్రభాస్‌తో పాటు స్క్రీన్ షేర్ చేసుకునే అరుదైన అవకాశం కూడా అందుకున్నారు. ఇదిలా ఉంటే ఇప్పుడు నాగ్ అశ్విన్ సినిమాలో కూడా కొందరు కొత్త వాళ్లు కావాలి. దాంతో కాస్టింగ్ కాల్ ఇచ్చారు దర్శక నిర్మాతలు. ఈ సినిమాను వైజయంతి బ్యానర్‌పై దాదాపు 300 కోట్లతో నిర్మించబోతున్నాడు సీనియర్ నిర్మాత అశ్వినీదత్. మహానటి తర్వాత నాగ్ అశ్విన్ తెరకెక్కిస్తున్న సినిమా ఇది. టైమ్ మిషన్ కథ నేపథ్యంలో ఈ సినిమా ఉండబోతుందని తెలుస్తుంది. మూడేళ్లుగా ఈ స్క్రిప్ట్‌పై వర్క్ చేస్తూనే ఉన్నాడు దర్శకుడు నాగ్ అశ్విన్. ఈ సినిమాకు సంబంధించిన ప్రీ ప్రొడక్షన్ పనులు వేగంగా జరుగుతున్నాయి. ఇందులో బాలీవుడ్ బ్యూటీ దీపిక పదుకొనే, అమితాబ్ బ‌చ్చ‌న్ ముఖ్య పాత్ర‌ల‌లో నటించనున్నారు. ఈ విషయంపై ఇప్పటికే అధికారిక ప్రకటన కూడా వచ్చింది. అంతర్జాతీయ స్థాయిలో రానున్న ఈ సినిమాకు మిక్కీ జే మేయర్ సంగీతం అందిస్తున్నాడు.
దీన్ని పాన్ వరల్డ్ సినిమాగా తెరకెక్కించనున్నట్లు ఇప్పటికే అనౌన్స్ చేసాడు దర్శకుడు నాగ్ అశ్విన్. ఈ సినిమాలో కొందరు కొత్త వాళ్లకు అవకాశం రానుంది. దానికోసం కాస్టింగ్ కాల్ నిర్వహిస్తున్నారు మేకర్స్. 9 నుంచి 14 సంవ‌త్స‌రాల అమ్మాయిల‌‌కు డ్యాన్స్‌ల‌తో పాటు జిమ్మాస్టిక్స్ కూడా తెలిసి ఉండాల‌ని కండీషన్ పెట్టారు. అలాగే 20-35 ఏళ్ల మ‌ధ్య వ‌య‌స్సు ఉన్న పురుషుల‌కు డ్యాన్సింగ్‌, మార్ష‌ల్స్ ఆర్ట్స్‌పై ప‌ట్టు ఉండాల‌ని చెప్పారు. ఈ టాలెంట్స్ కానీ మీలో ఉంటే వెంటనే దాన్ని వీడియో తీసి మెయిల్ చేసేయండి. దానికి సంబంధించిన మెయిల్ అడ్రస్ కూడా ఇచ్చారు. VYMTALENT@GMAIL.COM కు మీ వీడియోలు పంపించాలని కోరింది వైజయంతి టీం. మరి ఇంకెందుకు ఆలస్యం.. ప్రభాస్‌తో నటించే ఆఫర్ అందుకునే వాళ్లు మీలోనే ఉండొచ్చు.. త్వరపడండి.