పవర్ స్టార్ బర్త్ డే కి మరో స్పెషల్ సర్ ప్రైజ్ సాంగ్ రిలీస్ చేసిన దేవీశ్రీ

పవర్ స్టార్ పవన్ కల్యాణ్ పుట్టినరోజు సందర్భంగా ఆయనకు సినీరాజకీయ వర్గాల నుంచి బర్త్ డే విషెస్ వెల్లువెత్తుతున్న సంగతి తెలిసిందే. తాజాగా దేవీశ్రీ ప్రసాద్ ఊహించని ఓ స్పెషల్ ట్రీట్ ప్లాన్ చేయడం .. పవన్ అభిమానుల్లో అది వైరల్ గా మారడం హీట్ పుట్టిస్తోంది.

పవన్ ఫ్యాన్స్ కి ఇది ఊహించని స్పెషల్ ట్రీట్. అప్పట్లో జల్సా సినిమా ప్రమోషన్స్ కోసం దేవీశ్రీ ప్రసాద్ పై ఒక ప్రచార వీడియోని టీమ్ రెడీ చేసింది. కానీ అది అప్పట్లో రకరకాల కారణాల వల్ల విడుదల కాలేదు. ఆ వీడియోని ఇప్పుడు గీతా ఆర్ట్స్ అధినేత అల్లు అరవింద్ .. త్రివిక్రమ్ ప్రోద్భలంతో విడుదల చేస్తున్నామని దేవీశ్రీ ప్రకటించారు. జల్సా టైటిల్ సాంగ్ కి రాక్ స్టార్ దేవీశ్రీ స్టెప్పులేస్తున్న ఈ వీడియో ఇలా రిలీజైందో లేదో అలా అంతర్జాలంలో సునామీ స్పీడ్ తో దూసుకుపోతోంది.

దేవీశ్రీ రాకింగ్ స్టెప్స్ కి అభిమానులు విజిల్స్ వేస్తున్నారు. కొందరు డ్యాన్సర్ల బృందంతో దేవీశ్రీ ఎంతో ఎనర్జిటిక్ గా స్టెప్పులు వేయడం ఆశ్చర్యపరుస్తోంది. నిజానికి దేవీశ్రీ యంగ్ ఏజ్ లో హీరో అయ్యి ఉంటే.. ఏమయ్యేదో! అంటూ తన అభిమానులు షాకింగ్ కామెంట్స్ చేస్తున్నారు. దేవీశ్రీ కి ఉన్న ఎనర్జీకి మాస్ హీరో అయ్యేవాడే! అని అభిప్రాయాలు వ్యక్తమవుతున్నాయి. ఇకపోతే దేవీశ్రీ టాలీవుడ్ లోనే మోస్ట్ వాంటెడ్ మ్యూజిక్ డైరెక్టర్. తదుపరి పవర్ స్టార్ పవన్ కల్యాణ్ సినిమాకి సంగీతం అందించేందుకు రెడీ అవుతున్న సంగతి తెలిసిందే. పవన్ ఇటీవల బ్యాక్ టు బ్యాక్ సినిమాలతో బిజీగా ఉన్నారు. హరిహర వీరమల్లు తర్వాత అయ్యప్పనుమ్ కోషియం రీమేక్ `భీమ్లా నాయక్` చిత్రీకరణలో పవన్ బిజీగా ఉన్నారు. ఈ సినిమా తర్వాత హరీష్ శంకర్.. సురేందర్ రెడ్డి లాంటి టాప్ డైరెక్టర్ల దర్శకత్వంలో నటించనున్నారు. ఇక దేవీశ్రీ టాలీవుడ్ లో వరుస సినిమాలతో క్షణం తీరిక లేనంత బిజీగా ఉన్నారు. పవన్ కల్యాణ్ కి బర్త్ డే శుభాకాంక్షల్ని ఇంత స్పెషల్ గా ప్లాన్ చేసినందుకు దేవీకి అభిమానులు థాంక్స్ చెబుతున్నారు.