పవన్ కు బర్త్ డే విషెస్ తెలుపుతు ఆత్మీయ ఫోటో షేర్ చేసిన 'బన్నీ'

పవర్ స్టార్ పవన్ కల్యాణ్ జన్మదినం సందర్భంగా ఈరోజు పవన్ కి సినీరాజకీయ ప్రముఖుల నుంచి ఎన్నారై ప్రముఖుల నుంచి శుభాకాంక్షలు వెల్లువెత్తాయి. మెగాస్టార్ చిరంజీవి.. రామ్ చరణ్ సహా మెగా కుటుంబ హీరోలంతా ఇప్పటికే పవన్ కి శుభాకాంక్షలు తెలిపారు. పలువురు యంగ్ హీరోలు నేరుగా పవన్ ని కలిసి విష్ చేశారు.

తాజాగా పవన్ కళ్యాణ్ కి అల్లు అర్జున్ శుభాకాంక్షలు చెప్పడం యూత్ లో చర్చకు వచ్చింది. ఆగస్టు 22 న మెగాస్టార్ చిరంజీవి పుట్టినరోజు వేడుకల్లో చిరంజీవి నివాసంలో ఆయన లేకపోవడంపై సోషల్ మీడియాలో విస్తృతంగా ప్రచారం సాగింది. కొందరు రకరకాల వైరుధ్యాలు అంటూ కథనాలు రాసారు. అయితే బన్ని ఎప్పుడూ తన మావయ్య చిరంజీవి గారి నుంచే స్ఫూర్తి పొంది తామంతా ఈ రోజు ఈ స్థాయికి ఎదిగామని వినయవిధేయతలతో వేదికలపై వెల్లడిస్తుంటారన్న సంగతి తెలిసిందే. కానీ కొందరు డివైడ్ పాలిటిక్స్ ని ఎత్తి చూపడం సర్వత్రా చర్చనీయాంశంగా మారుతూనే ఉంది.

ఇకపోతే అల్లు అర్జున్ కి సపరేట్ గా ఫ్యాన్ బేస్ ఉందన్నది నిజం. స్టైలిష్ స్టార్ ఫ్యాన్స్ సపరేట్ గా అభివృద్ధి చెందడం వెనక అతడి టీమ్ కృషి దాగి ఉంది. ఇకపోతే మావయ్యలు చిరంజీవి.. పవన్ కల్యాణ్ ల బర్త్ డేలకు బన్ని విషెస్ తెలిపారు. నేడు పవన్ కళ్యాణ్ పుట్టినరోజు సందర్భంగా సోషల్ మీడియా ద్వారా శుభాకాంక్షలు తెలిపారు బన్ని. ఈ ఉదయం వేకువ అవర్స్ లోనే పవన్ కి శుభాకాంక్షలు తెలిపాడు. శుభాకాంక్షలతో పాటు.. కుటుంబ వేడుకలో ఆప్యాయంగా కౌగిలించుకున్న ప్రైవేట్ ఫోటోను కూడా పంచుకున్నాడు. ఇది పవన్ కల్యాణ్ .. బన్ని ఇరువురి అభిమానుల్లోనూ వైరల్ గా మారింది. నిజానికి పవన్ మావయ్యపై బన్ని ప్రేమకు చిహ్నమిది!అంటూ పొగిడేసిన అభిమానులు లేకపోలేదు.