మట్టితో బొజ్జ గణపయ్య ను స్వయంగా తయారు చేసిన క్యూట్ 'అర్హ'.!
cinema | Suryaa Desk | Published : Thu, Sep 09, 2021, 05:21 PM
స్టైలిష్ స్టార్ అల్లు అర్జున్ నటవారసురాలు అల్లు అర్హ బాల నటిగా తెరంగేట్రం చేస్తున్న సంగతి తెలిసిందే. ఇండస్ట్రీలో ఎందరినో బాలనటులుగా పరిచయం చేసిన సీనియర్ దర్శకులు గుణశేఖర్ అర్హను కూడా తెరకు పరిచయం చేస్తున్నారు. అతడు తెరకెక్కిస్తున్న శాకుంతలం చిత్రంలో క్యూట్ అర్హ బాలనటిగా పరిచయమవుతోంది.
అయితే తాజాగా క్యూట్ అర్హ అల్లరిలోనే కాదు విద్యాబుద్ధుల్లోనూ మేటి. వీటన్నిటినీ మించి తనలోని స్కల్ప్చర్ నైపుణ్యం ఆశ్చర్యపరుస్తోంది. వినాయక చవితి సమీపిస్తుంటే ఊరూ వాడా చిన్నారులంతా బొజ్జ గణపయ్య ఉత్సవాల కోసం ఆర్టిఫిషియల్ విగ్రహాలను కొని పూజించే పనిలో ఉన్నారు. కానీ అల్లు అర్హ మాత్రం అలా కాదు. తనే స్వయంగా మట్టితో బొజ్జ గణపయ్యను తయారు చేసింది. గణేషుని విగ్రహంతో పాటు ఉండ్రాళ్లను తయారు చేసి ప్రదర్శిస్తున్న ఓ ఫోటోని బన్ని స్వయంగా షేర్ చేయగా వైరల్ అవుతోంది. దీంతో పాటే బన్ని ఇంట్లో అల్లు అర్హతో సరదాగా గడిపేస్తున్న మరో వీడియో కూడా అంతర్జాలంలోకి విడుదలైంది.
|
|