ఫారెస్ట్ నేపథ్యంలో మహేష్-జక్కన్న మూవీ?
cinema | Suryaa Desk | Published : Thu, Mar 24, 2022, 01:28 PM
ఆర్ ఆర్ ఆర్ తర్వాత దర్శకధీరుడు రాజమౌళి టాలీవుడ్ సూపర్ స్టార్ మహేష్ బాబు తో సినిమా చేయనున్నాడన్న విషయం తెలిసిందే. ఇటీవల జరిగిన ఆర్ ఆర్ ఆర్ ప్రొమోషన్స్ లో రాజమౌళి మహేష్ సినిమా గురించి మాట్లాడుతూ... ఈ సినిమాలో మహేష్ సోలోగానే నటిస్తాడని, మల్టీస్టారర్ కాదనీ, బాహుబలి, ఆర్ ఆర్ ఆర్ లకు మించి ఉంటుందని చెప్పి ఈ సినిమాపై అంచనాలను పెంచేసాడు. మహేష్ ప్రాజెక్టుపై రచయిత, రాజమౌళి తండ్రి విజయేంద్ర ప్రసాద్ మాట్లాడుతూ... రాజమౌళికి ఫారెస్ట్ అంటే చాలా ఇష్టం. ఫారెస్ట్ నేపథ్యంలో నడిచే కథలంటే ఎక్కువ ఇంటరెస్ట్ చూపిస్తాడు. అందువలనే చాలాకాలం నుండి ఆఫ్రికా అడవుల నేపథ్యంలో ఒక కథను రూపొందించాను. ఒక సినిమా చేస్తున్నప్పుడు మరో సినిమా కధ వినడు రాజమౌళి. ఆర్ ఆర్ ఆర్ విడుదలైన కొన్ని రోజుల తరవాత రాజమౌళికి ఈ కథను వినిపిస్తాను. ఆ తరవాత కధలో మార్పులు చేర్పులు ఏమన్నా ఉంటె చేస్తాను. అని చెప్పుకొచ్చారు. రోజురోజుకీ కొత్త సమాచారంతో మహేష్-జక్కన్న సినిమా పట్టాలెక్కకుండానే ఆసక్తిని రేకెత్తిస్తోంది.
|
|