చరణ్ సరసన హీరోయిన్ గా అంజలి... ?
cinema | Suryaa Desk | Published : Tue, Apr 05, 2022, 09:43 PM
తమిళ దిగ్గజ దర్శకుడు శంకర్ తెరకెక్కిస్తున్న భారీ బడ్జెట్ పాన్ ఇండియా మూవీ లో మెగా పవర్ స్టార్ రామ్ చరణ్ తేజ్ హీరోగా నటిస్తున్న విషయం తెలిసిందే. కెరీర్లో చరణ్ కిది 15వ చిత్రం కావటంతో RC #15 వర్కింగ్ టైటిల్ తో ఈ సినిమా తెరకెక్కుతుంది. ఇంకా టైటిల్ ఖరారు చేయని ఈ మూవీలో కియారా అద్వానీ హీరోయిన్ గా నటిస్తుండగా మరొక నటి అంజలి కీలక పాత్రలో నటిస్తుంది. ఈ మూవీలో చరణ్ తండ్రీకొడుకులుగా ద్విపాత్రాభినయం చేస్తున్నాడని జోరుగా ప్రచారం జరుగుతుంది. ఇందుకు సంబంధించి సినిమాలో సీనియర్ చరణ్ లుక్ కూడా బయటకు వచ్చింది. ఫ్లాష్ బ్యాక్ లో సీనియర్ చరణ్ కు జోడి గా అంజలి నటిస్తుందని తాజా చిత్రవర్గ సమాచారం.
ప్రస్తుతం చరణ్ ఆచార్య ప్రమోషన్స్ తో బిజీగా ఉండటం వల్ల శంకర్ సినిమా షూటింగ్ వాయిదా పడింది. ఇంతవరకు 30శాతం షూటింగు జరుపుకున్న ఈ సినిమా నెక్స్ట్ షెడ్యూల్ ఆచార్య విడుదల తర్వాతే స్టార్ట్ అవనుంది. వచ్చే సంక్రాంతికి ఈ సినిమాను విడుదల చేయాలని దర్శకనిర్మాతలు ప్లాన్ చేస్తున్నారు.
|
|