'గాలి నాగేశ్వరరావు' తో పాయల్ లక్కు మారుతుందా?
cinema | Suryaa Desk | Published : Sat, Apr 09, 2022, 12:56 PM
పాయల్ రాజ్ పుత్... అందం, అభినయంతో ప్రేక్షకులను ఆకట్టుకుంటున్నప్పటికీ అదృష్టం కలిసి రాక స్టార్ హీరోయిన్ గా ఎదగలేకపోతుంది. వరసగా రెండు,మూడు హిట్లు పడితే పాయల్ స్టార్ హీరోయిన్ గా ఎదిగే ఛాన్స్ ఉంది. అందుకు అన్ని అర్హతలు ఉన్న నటి ఆమె. సీరియల్స్ తో తన యాక్టింగ్ కెరీర్ ను ప్రారంభించిన పాయల్ 2018లో వచ్చిన RX 100 చిత్రంలో నెగిటివ్ రోల్ లో నటించి ప్రేక్షకుల చేత శెభాష్ అనిపించుకుంది. ఆ తర్వాత వెంకీ మామ, డిస్కో రాజా వంటి పెద్ద చిత్రాల్లో నటించినప్పటికీ అవి పరాజయమవ్వటంతో పాయల్ కు అవకాశాలు నెమ్మదించాయి.
తాజాగా పాయల్ నటిస్తున్న కొత్త చిత్రం గాలి నాగేశ్వరరావు. మంచు విష్ణు హీరోగా నటిస్తున్న ఈ చిత్రంలో పాయల్ తో పాటు సన్నీ లియోన్ మరో హీరోయిన్ గా నటిస్తుంది. ప్రస్తుతం హైదరాబాద్ లో సెకండ్ షెడ్యూల్ షూటింగ్ జరుపుకుంటున్న ఈ సినిమాకి ఇషాన్ సూర్య దర్శకత్వం వహిస్తున్నారు. అనూప్ రూబెన్స్ సంగీతం అందిస్తున్నారు. ఈ సినిమాతోనైనా పాయల్ లక్కు మారి వరస సినిమాలలో ఛాన్సులు అందుకోవాలని, మంచి హిట్లు సాధించి స్టార్ హీరోయిన్ రేంజుకు పాయల్ ఎదగాలని ఆమె అభిమానులు కోరుకుంటున్నారు.
|
|