ప్రియాంక ఈ సౌత్స్టార్కు పెద్ద అభిమానట
cinema | Suryaa Desk | Published : Wed, Oct 25, 2017, 02:53 PM
ముంబయి: బాలీవుడ్తోపాటు హాలీవుడ్లోనూ రాణిస్తున్న నటి ప్రియాంకా చోప్రా. ఆమెకు ప్రపంచ వ్యాప్తంగా ఫ్యాన్ ఫాలోయింగ్ కూడా చాలా ఎక్కువే. అయితే ఈ భామ ఓ సౌత్ హీరోకు పెద్ద అభిమానట. ఈ విషయాన్ని ప్రియాంక స్వయంగా ట్విటర్ ద్వారా తెలిపారు. తమిళ నటుడు విజయ్తో కలిసి నటించే అవకాశం వస్తే చేస్తారా? అని ఓ అభిమాని ప్రియాంకను ప్రశ్నించారు.
దీనికి ఆమె స్పందిస్తూ.. ‘ఆయనతో కలిసి నటించేందుకు ఇష్టపడుతా. విజయ్కు నేను పెద్ద అభిమానిని.’ అని ట్వీట్ చేశారు. ప్రియాంక బాలీవుడ్కు పరిచయం కాకముందు విజయ్తో కలిసి ‘తమిళన్’ అనే చిత్రంలో నటించారు. ఆమె నటిగా ప్రేక్షకులకు పరిచయమైన తొలి సినిమా ఇదే కావడం విశేషం. అంతేకాదు ఈ చిత్రంలోని ఓ పాటను ఆమె ఆలపించారు.
విజయ్ హీరోగా ఇటీవల విడుదలైన ‘మెర్సల్’ చిత్రం ప్రపంచ వ్యాప్తంగా అద్భుతమైన వసూళ్లు రాబడుతోంది. కేవలం ఆరు రోజుల్లోనే రూ.150 కోట్లు రాబట్టింది. తమిళనాడులో అత్యధిక వసూళ్లు రాబట్టిన తొలి చిత్రంగా నిలిచింది. ఇంతకు ముందు ఈ స్థానంలో సూపర్స్టార్ రజనీకాంత్ ‘కబాలి’ ఉండేది. సమంత, కాజల్, నిత్యామేనన్లు ‘మెర్సల్’లో కథానాయికలుగా నటించారు. అట్లీ దర్శకత్వం వహించిన ఈ చిత్రం తెలుగులో ‘అదిరింది’ టైటిల్తో విడుదల కాబోతోంది.
|
|