కండోమ్స్ అమ్మకాల్లో బెంగళూరు టాప్.. తర్వాత ఢిల్లీ, హైదరాబాద్

కొత్త సంవత్సరం రాబోతోంది. ఇక పాత సంవత్సరం ముగియనుండటంతో.. ఈ ఏడాదికి సంబంధించి జరిగిన విషయాలు మొత్తం రివైండ్ అవుతున్నాయి. ఇక ఏడాది మొత్తానికి సంబంధించిన పలు నివేదికలు వెల్లడి అవుతున్నాయి. ఇక ఆన్‌లైన్ డెలివరీ యాప్ స్విగ్గీ కూడా ఈ ఏడాది తమ ప్లాట్‌ఫారమ్‌లో విక్రయించిన వస్తువుల గురించి వార్షిక రిపోర్ట్‌ను తాజాగా వెలువరించింది. స్విగ్గీ ఇన్‌స్టామార్ట్‌లో ఈ ఏడాది విక్రయం అయిన వస్తువులకు సంబంధించి ఇందులో వెల్లడించింది. ఈ క్రమంలోనే తమ ప్లాట్‌ఫారమ్‌లో విక్రయించిన కండోమ్స్‌కు సంబంధించి టాప్-3 నగరాల పేర్లను విడుదల చేసింది. ఇందులో మొట్టమొదటి స్థానంలో బెంగళూరు ఉండగా.. ఆ తర్వాతి స్థానాల్లో ఢిల్లీ, హైదరాబాద్ నగరాలు ఉన్నట్లు స్విగ్గీ ఇన్‌స్టామార్ట్‌ స్పష్టం చేసింది.

రాత్రి 10 గంటల తర్వాత ఈ కండోమ్స్ విక్రయాలు అధికంగా ఉన్నట్లు తెలిపింది. మరీ ముఖ్యంగా రాత్రి 10 గంటల నుంచి 11 గంటల మధ్య అత్యంత రహస్యంగా కండోమ్స్‌ అమ్మకాలు జరుగుతున్నాయని వెల్లడించింది. ఆన్‌లైన్ షాపింగ్‌లో ఈ కండోమ్స్ ఎక్కువగా కొంటున్నట్లు పేర్కొంది. 140 ఆర్డర్స్‌లో ఒక సెక్స్ వెల్నెస్ ఐటెమ్ ఉంటుందని స్విగ్గీ ఇన్‌స్టామార్ట్‌ వివరించింది. బెంగళూరు వాసులు కండోమ్స్ ఎక్కువగా కొనుగోలు చేసినట్లు స్విగ్గీ ఇన్‌స్టామార్ట్ వార్షిక నివేదికలో తెలిపింది.

ఇక ఆన్‌లైన్ షాపింగ్‌లో కిరాణా సామాగ్రితో పాటు నిత్యవసర వస్తువులను వేగంగా డెలివరీ చేస్తున్నట్లు స్విగ్గీ ఇన్‌స్టామార్ట్‌ వెల్లడించింది. ఇక రాత్రి 10 గంటల తర్వాత కండోమ్స్‌తో పాటు మసాలా ఫ్లేవర్స్ చిప్స్, కుర్ కురే, ఫ్లేవర్డ్ కండోమ్‌లు అధికంగా సేల్ అవుతున్నాయని తెలిపింది. ఇక ఈ రహస్య వస్తువులు అన్నీ బెంగళూరు, ఢిల్లీ, హైదరాబాద్‌లోనే ఎక్కువగా అమ్ముతున్నట్లు వివరించింది.

కండోమ్స్ మాత్రమే కాకుండా స్విగ్గీ ఇన్‌స్టామార్ట్‌లో ఈ ఏడాది అత్యధిక లో దుస్తుల అమ్మకాల్లో కూడా బెంగళూరు నుంచే జరిగాయి. హైదరాబాద్, ముంబైతో సమానంగా బెంగళూరువాసులు కూడా లో దుస్తులను ఆర్డర్ చేసినట్లు తెలిపింది. మరోవైపు.. బెంగళూరు ప్రజలు పూజ సామగ్రి, నిత్యావసర వస్తువులను కూడా స్విగ్గీ ఇన్‌స్టామార్ట్‌లో ఎక్కువగా ఆర్డర్ చేశారని పేర్కొంది. ఇతర నగరాలతో పోలిస్తే దీపావళి వేడుకల సందర్భంగా బెంగళూరు వినియోగదారులు 1.8 రెట్లు అధికంగా మద్యం, షాట్ గ్లాసులను కొనుగోలు చేసినట్లు వెల్లడించింది. దేశంలోని అన్ని నగరాల కంటే బెంగళూరు ప్రజలు ఎక్కువ టూత్ బ్రష్‌లను ఆర్డర్ చేశారు. 2024లో ఎక్కువమంది ఇష్టపడే ఆహార పదార్థాల డేటాను కూడా స్విగ్గీ నివేదికలో తెలిపింది. బెంగళూరుకు చెందిన ఓ వ్యక్తి 2024లో పాస్తా కోసం రూ.49900 ఖర్చు చేసినట్లు పేర్కొంది.