ట్రెండింగ్
ప్రయాణికుడి బ్యాగులో మొసలి తల ప్రత్యక్షం
national | Suryaa Desk | Published : Thu, Jan 09, 2025, 08:17 PM
ఢిల్లీలోని ఇందిరా గాంధీ అంతర్జాతీయ విమానాశ్రయంలో షాకింగ్ ఘటన చోటుచేసుకుంది. ఓ ప్రయాణికుడి బ్యాగులో మొసలి తల బయటపడడం కలకలం రేపింది. జనవరి 6న కెనడాకు చెందిన ఓ వ్యక్తి టొరంటో వెళ్లేందుకు ఢిల్లీ ఎయిర్‌పోర్ట్‌కు చేరుకున్నాడు. అయితే తనిఖీల్లో భాగంగా సిబ్బంది అతడి బ్యాగును తనిఖీ చేయగా మొసలి తల లభ్యమైంది. దీంతో అతడిని అదుపులోకి తీసుకొని మొసలి తలను డెహ్రాడూన్‌లోని వైల్డ్‌లైఫ్ ఇన్‌స్టిట్యూట్‌కు పంపారు.కాగా, కస్టమ్స్‌ అధికారులు ఆ మొసలి తలను స్వాధీనం చేసుకున్నారు. దానిని గుడ్డతో చుట్టి లగేజ్‌లో అతడు ఉంచినట్లు తెలిపారు. 777 గ్రాముల బరువున్న మొసలి తలను ఢిల్లీకి చెందిన అటవీశాఖ అధికారులు పరిశీలించారు. మొసలి పిల్లకు చెందినదిగా వారు నిర్ధారించారు. ఆ కెనడా పౌరుడ్ని పోలీసులు అరెస్ట్‌ చేశారు. అతడిపై పలు సెక్షన్ల కింద కేసు నమోదు చేసి దర్యాప్తు చేస్తున్నారు.
|
|