మాజీ మంత్రి కాకాణిపై కేసు నమోదు.. ఆ ఘటనే కారణం

మాజీ మంత్రి, వైసీపీ నేత కాకాణి గోవర్ధన్ రెడ్డిపై కేసు నమోదైంది. పోలీసులపై అనుచిత వ్యాఖ్యలు చేశారంటూ కాకాణి గోవర్ధన్ రెడ్డిపై టీడీపీ నేత ఫిర్యాదు చేశారు. ఈ ఫిర్యాదు ఆధారంగా కావలి వన్ టౌన్ పోలీస్ స్టేషన్‌లో కాకాణి గోవర్దన్ రెడ్డిపై కేసు నమోదు చేశారు. బోగోలు మండలంలో ఇటీవల టీడీపీ, వైసీపీ శ్రేణులు ఘర్షణ పడ్డాయి. ఈ గొడవలో గాయాలైన వైసీపీ వర్గీయులను పరామర్శించేందుకు కాకాణి.. కావలి ఆస్పత్రికి వెళ్లారు. అయితే ఈ సందర్భంగా ఆయన పోలీసులపై అనుచిత వ్యాఖ్యలు చేశారని ఫిర్యాదులో పేర్కొన్నారు.

వైసీపీ సీనియర్ నేత, మాజీ మంత్రి కాకాణి గోవర్ధన్ రెడ్డిపై పోలీస్ స్టేషన్‌లో కేసు నమోదైంది. పోలీసులపై అనుచిత వ్యాఖ్యలు చేశారనే ఫిర్యాదు ఆధారంగా కాకాణి మీద పోలీసులు కేసు నమోదు చేశారు. కాకాణి గోవర్ధన్ రెడ్డి పోలీసులపై అనుచిత వ్యాఖ్యలు చేశారంటూ కోళ్లదిన్నెకు చెందిన టీడీపీ నేత ప్రసన్న కుమార్ అనే వ్యక్తి కావలి వన్ టౌన్ పోలీసులకు ఫిర్యాదు చేశారు. ఈ ఫిర్యాదు ఆధారంగా కావలి వన్ టౌన్ పోలీసులు కాకాణి గోవర్ధన్ రెడ్డిపై కేసు నమోదుచేశారు కావలి ప్రభుత్వ ఆసుపత్రిలో కాకాణి గోవర్ధన్ రెడ్డి పోలీసులపై అనుచిత వ్యాఖ్యలు చేశారని ప్రసన్న కుమార్ ఫిర్యాదు చేశారు. దీంతో కావలి పోలీసులు కాకాణి గోవర్ధన్ రెడ్డిపై పలు సెక్షన్ల కింద కేసు నమోదు చేశారు.

దీనికి సంబంధించిన వివరాల్లోకి వెళ్తే.. బోగోలు మండలం కోళ్లదిన్నెలో ఇటీవల టీడీపీ, వైసీపీ వర్గాల మధ్య గొడవ జరిగింది. ఈ ఘర్షణలో రెండు పార్టీల కార్యకర్తలకూ గాయాలయ్యాయి. తీవ్రంగా గాయపడిన వారిని కావలి గవర్నమెంట్ ఆస్పత్రికి తీసుకొచ్చారు. అయితే ఆస్పత్రిలోనే ఇరు వర్గాల మధ్య మరోసారి దాడులు జరిగాయి. ఇక అదే సమయంలో మాజీ మంత్రి కాకాణి గోవర్ధన్ రెడ్డి.. వైసీపీ వర్గీయులను పరామర్శించేందుకు కావలి ఆస్పత్రికి వచ్చారు. ఈ సందర్భంగా మాజీ మంత్రి కాకాణి గోవర్ధన్ రెడ్డి పోలీసులపై అనుచిత వ్యాఖ్యలు చేశారని ఫిర్యాదులో పేర్కొ్న్నారు. తాము అధికారంలోకి వస్తే పోలీసులు ఎక్కడ ఉన్నా కూడా తీసుకొచ్చి బట్టలూడదీస్తామని పరుష వ్యాఖ్యలు చేశారంటూ ఫిర్యాదులో ఆరోపించారు.

టీడీపీ నేత ఫిర్యాదు ఆధారంగా కావలి వన్ టౌన్ పోలీసులు మాజీ మంత్రి కాకాణి గోవర్ధన్ రెడ్డి మీద కేసు నమోదుచేశారు. ఈ వ్యవహారం ఇప్పుడు నెల్లూరు రాజకీయాల్లో హాట్ టాపిక్‌గా మారింది. కాకాణి గోవర్ధన్ రెడ్డి విషయానికి వస్తే.. నెల్లూరు జిల్లా పరిషత్ ఛైర్మన్‌గా కాకాణి తన రాజకీయ ప్రయాణం మొదలెట్టారు. 2011లో వైసీపీలో చేరారు. 2014 ఎన్నికల్లో వైసీపీ అభ్యర్థిగా సర్వేపల్లి నుంచి పోటీచేసి విజయం సాధించారు కాకాణి గోవర్ధన్ రెడ్డి. 2019 ఎన్నికల్లో మరోసారి వైసీపీ తరుఫున సర్వేపల్లి నుంచి పోటీచేసి వైఎస్ జగన్ మంత్రివర్గంలోనూ చోటు సంపాదించారు. అయితే 2024 ఎన్నికల్లో మరోసారి సర్వేపల్లి నుంచి పోటీచేసిన కాకాణి గోవర్ధన్ రెడ్డి.. టీడీపీ అభ్యర్థి సోమిరెడ్డి చంద్రమోహన్ రెడ్డి చేతిలో ఓడిపోయారు.