ఆర్జీకార్ కేసులో హైకోర్టు షాకింగ్ నిర్ణయం.. వారందరి వాదనలు విన్నాకే పిటిషన్ స్వీకరిస్తామంటూ

దేశవ్యాప్తంగా సంచలనం రేపిన ఆర్జీ కార్ హత్యాచార కేసులో దోషి సంజయ్ రాయ్‌కు శిక్ష పడిన తర్వాత కూడా భిన్నాభిప్రాయలు వ్యక్తం అవుతున్నాయి. ముఖ్యంగా దోషికి న్యాయస్థానం జీవిత ఖైదు విధించగా. . పశ్చిమ బెంగాల్ ముఖ్యమంత్రి మమతా బెనర్జీ సంజయ్ రాయ్‌కు మరణ శిక్ష విధించాలని కోరుతూ హైకోర్టును ఆశ్రయించారు. అయితే దీనిపై స్పందించిన కలకత్తా హైకోర్టు.. షాకింగ్ నిర్ణయం తీసుకుంది. ముఖ్యంగా సర్కారు దాఖలు చేసిన ఈ పిటిషన్‌ను స్వీకరించడానికి ముందు.. దోషి, బాధితురాలి కుటుంబ సభ్యులు, సీబీఐ వాదన వినాలనుకుంటున్నట్లు తెలిపింది. ఆ తర్వాతే దీనిపై విచారణ చేపడతమాని వివిరించింది. ఆ పూర్తి వివరాలు మీకోసం.

2024 ఆగస్టు 9వ తేదీన నార్త్ కోల్‌కతాలోని ఆర్జీ ప్రభుత్వ ఆస్పత్రిలో విధులు నిర్వహిస్తున్న ఓ ట్రైనీ వైద్యురాలిపై హత్యాచారం జరిగింది. కేసు నమోదు చేసుకున్న మరుసటి రోజే పోలీసులు దోషిని అరెస్ట్ చేశారు. ముఖ్యంగా సీసీటీవీ ఫుటేజీ ఆధారంగా సంజయ్ రాయ్‌ను అదుపులోకి తీసుకున్నారు. ఆ తర్వాత ఈ కేసు సీబీఐ చేతికి వెళ్లింది. అయితే విచారణ జరిపిన సీబీఐ.. బాధితురాలి మృతదేహంపై అనేక మంది డీఎన్ఏ ఉన్నట్లు వివరించినా.. ఛార్జీషీట్‌లో మాత్రం సంజయ్ రాయ్ పేరును మాత్రమే నమోదు చేసింది.

ఈక్రమంలోనే డిసెంబర్ 19వ తేదీ రోజు న్యాయస్థానం సంజయ్ రాయ్‌ను దోషిగా తేల్చింది. ఆతర్వాతి రోజే అతడికి జీవితఖైదు విధిస్తున్నట్లు ప్రకటించింది. అంతేకాకుండా బాధితురాలి కుటుంబానికి 17 లక్షల రూపాయల నష్టపరిహారం అందించాలని.. ఈ ఘటన అరుదైన కేసు కేటగిరీలోకి రాదని స్పష్టం చేసింది. మరణశిక్ష విధించకపోవడానికి కూడా కారణం ఇదేనంటూ చెప్పింది. అయితే ఈ తీర్పు పట్ల తీవ్ర అసంతృప్తి చెందిన పశ్చిమ బెంగాల్ ముఖ్యమంత్రి మమతా బెనర్జీ.. దోషికి మరణ శిక్ష విధించాలంటూ కలకత్తా హైకోర్టును ఆశ్రయించారు.

అయితే దీన్ని బాధితురాలి తల్లిదండ్రులు వ్యతిరేకించారు. ఈకేసులో సీఎం మమతా బెనర్జీ చొరవ అవసరం లేదని వివరించారు. ఆమెనే సాక్ష్యాలు తారుమారు చేశారంటూ ఆరోపించారు. మరోవైపు సీబీఐ కూడా పశ్చిమ బెంగాల్ సర్కారుపై ఫైర్ అయింది. కేసును విచారించిన సంస్థగా శిక్ష విషయంలో న్యాయస్థానాన్ని ఆశ్రయించే హక్కు తమకు మాత్రమే ఉందంటూ చెప్పుకొచ్చింది. ఇదంతా ఇలా ఉండగా.. తాజాగా కలకత్తా హైకోర్టు పశ్చిమ బెంగాల్ సర్కారు పిటిషన్‌పై స్పందించింది.

ఈ కేసులో దోషి సంజయ్ రాయ్ సహా బాధితురాలి తల్లిదండ్రులు, సీబీఐ వాదనలు విన్నాకే సర్కారు దాఖలు చేసిన పిటిషన్‌ను స్వీకరిస్తామని స్పష్టం చేసింది. అంతేకాకుండా ఈ కేసుపై జనవరి 27వ తేదీ అంటే సోమవారం రోజు విచారణ జరుపుతామని వివరించింది. చూడాలి మరి ముందు ముందు ఏం జరగనుంది అనేది.