ట్రెండింగ్
కోల్కతా వర్సెస్ రాజస్థాన్.. విజయం ఎవరి వైపు?
national | Suryaa Desk | Published : Sat, Apr 24, 2021, 03:14 PM
ఐపీఎల్ లో నేడు రాజస్థాన్ రాయల్స్ వర్సెస్ కోల్ కతా నైట్ రైడర్స్ మధ్య పోరు జరగనుంది. రాత్రి 7:30 నుంచి ముంబయి వేదికగా ఈ మ్యాచ్ ప్రారంభం అవుతుంది. బెంగళూర్పై అనుహ్య ఓటమిని చవిచూసిన రాజస్థాన్ నేడు కేకేఆర్తో జరిగే మ్యాచ్లో గెలవాలని చూస్తోంది. ఇక సీఎస్కే తో బుధవారం జరిగిన మ్యాచ్ లో కేకేఆర్ అందరి హృదయాలను గెలుచుకుంది. 220 భారీ స్కోర్ ను ఛేదించే క్రమంలో కేకేఆర్ ప్రదర్శించిన పోరాట పటిమ అభిమానులందరిని ఆకర్షించింది. మ్యాచ్ ను గెలవలేకపోయిన కేకేఆర్ ఈ సారి రాజస్థాన్ పై గెలిచి తీరాలన్న పట్టుదలతో ఉంది. పాయింట్ల పట్టికలో చిట్టచివరి స్థానంలో రాజస్థాన్ ఉండగా రాజస్థాన్ కంటే ఓ పాయింట్ ముందుంది కోల్ కతా. ఇరు జట్లు కూడా ఇప్పటి వరుకు 4 మ్యాచ్ లు ఆడి కేవలం ఒక్క మ్యాచ్ లోనే విజయం సాధించారు. మరి నేడు జరిగే మ్యాచ్ లో ఎవరిని విజయం వరిస్తుందో చూడాలి.
|
|