ఏప్రిల్ 14వ తేదీన...కేజీఎఫ్-2 విడుదల
cinema | Suryaa Desk | Published : Thu, Mar 24, 2022, 04:16 PM
కేజీఎఫ్-2 చిత్రం విడుదల తేదీ ఖరారైంది. ప్రపంచవ్యాప్తంగా 'కేజీఎఫ్' సృష్టించిన సంచలనం అంతా ఇంతా కాదు. ప్రశాంత్ నీల్ దర్శకత్వం వహించిన ఈ సినిమా, విడుదలైన ప్రతి ప్రాంతంలో విజయవిహారం చేసింది. అన్ని థియేటర్లలోను కదలకుండా కాసుల వర్షం కురిపించింది. అందువలన సహజంగానే 'కేజీఎఫ్ 2'పై అంచనాలు ఒక రేంజ్ లో ఉన్నాయి. యశ్ హీరోగా రూపొందిన ఈ సినిమాలో సంజయ్ దత్ కీలకమైన పాత్రను పోషించారు. అందువలన ఈ సినిమా మరింత భారీతనాన్ని సంతరించుకుంది. ఏప్రిల్ 14వ తేదీన ఈ సినిమాను విడుదల చేయనున్నట్టు ప్రకటించారు. ఈ నేపథ్యంలో ఈ సినిమా ప్రీ రిలీజ్ ఈవెంట్ గురించిన విషయం హాట్ టాపిక్ గా మారింది. ఈ సినిమా ప్రీ రిలీజ్ ఈవెంట్ ను భారీ స్థాయిలో ప్లాన్ చేస్తున్నారట. ఈ ఈవెంట్ కి ప్రభాస్ ను ముఖ్య అతిథిగా ఆహ్వానించినట్టుగా తెలుస్తోంది. ప్రభాస్ తదుపరి సినిమా అయిన 'సలార్'కి ప్రశాంత్ నీల్ దర్శకుడు. అందువలన ప్రభాస్ ఈ వేడుకకి రావడం ఖాయమని అంటున్నారు. ఇప్పటికే 'సలార్' చాలావరకూ చిత్రీకరణను జరుపుకుందనే సంగతి తెలిసిందే.
|
|