ట్రెండింగ్
మలయాళ సూపర్ స్టార్ సినిమా 100 కోట్ల చేరువలో ఉంది
cinema | Suryaa Desk | Published : Wed, Apr 03, 2019, 02:27 PM
సూపర్ స్టార్ అనే పదానికి మలయాళ సినీ ఇండస్ట్రీ లో మరో పేరు మోహన్ లాల్. మంచి కథ విలువలున్న చిత్రాలను ఎంచుకుంటూ తనకంటూ ప్రత్యేక ఇమేజ్ ను సొంతం చేసుకున్నాడు. తెలుగులో ఎన్టీఆర్ సినిమా 'జనతా గారేజ్' లో సహజమైన నటన కనబరిచి తెలుగు ప్రేక్షకులను కూడా అలరించాడు. మోహన్ లాల్ నటించిన 'లూసిఫెర్' ఇటీవలే థియేటర్లకు వచ్చింది. తొలిరోజునే హిట్ టాక్ తెచ్చుకున్న ఈ సినిమా, భారీ వసూళ్లతో దూసుకుపోతోంది. తొలి 4 రోజుల్లోనే 50 కోట్ల గ్రాస్ ను వసూలు చేసిన ఈ సినిమా, 6 రోజుల్లో 78 కోట్ల వసూళ్లను రాబట్టింది. విడుదలైన అన్ని ప్రాంతాల నుంచి ఈ సినిమాకి వస్తోన్న రెస్పాన్స్ చూస్తుంటే, 100 కోట్ల మార్కును అందుకోవడం చాలా తేలికగా జరిగిపోతుందని అంటున్నారు.ఒడియన్' పరాజయంతో నిరాశ చెందిన మోహన్ లాల్ కి ఈ సినిమా ఊరటనిచ్చిందని చెబుతున్నారు.
|
|