టీ, కాఫీలు మానేయాలనుకునేవారు ఈ టిప్స్ ఫాలో అవ్వండి.. ఇట్టే మానేస్తారు..!

టీ, కాఫీలు మానేయాలనుకునేవారు ఈ చిట్కాలు పాటిస్తే దాన్ని ఆచరణలోకి తీసుకురావొచ్చు. అవేంటో ఇప్పుడు తెలుసుకుందాం..
* రోజులో ఎన్నిసార్లు టీ లేదా కాఫీలు ఎన్ని కప్‍లు తాగుతున్నారో ఓ పేపర్‌పై రాసుకోవాలి. దీంతో రోజులో ఎంత కఫీన్ తీసుకుంటున్నారో లెక్కగట్టుకోవాలి. ఇకపై అవి తాగడం తగ్గించుకోవాలని నిర్ణయంచుకోవాలి. ఇలా రోజూ రాయడం వల్ల మీరు మీ అలవాటును అర్థం చేసుకొని.. టీ, కాఫీలు తగ్గించుకునేందుకు సహకరిస్తుంది. అనుకున్న పనిని గుర్తుచేస్తుంది.
* అతిగా టీలు, కాఫీలు తాగాలనుకునే వారు కొందరు ఇక వద్దనుకొని ఒక్కసారిగా మానేస్తుంటారు. దీనివల్ల తలనొప్పి, నీరసం, చిరాకు లాంటివి వస్తుంటాయి. ఇవి తట్టుకోలేక మళ్లీ పాత పద్ధతికి వచ్చేస్తారు. అందుకే టీ, కాఫీలు మానేయాలంటే ఒక్కసారిగా కాకుండా క్రమంగా తగ్గించాలి. రోజుకు ఐదుసార్లు తాగే వారైతే ముందుగా మూడుసార్లుకు తెచ్చుకోవాలి. మరోవారం తర్వాత రెండుసార్లకు తగ్గించాలి. అలా క్రమంగా ఇవి తాగడం తగ్గించుకుంటూ పోవాలి.
* టీ, కాఫీ తాగాలని అనిపించినప్పుడు ఆరోగ్యకరమైన ప్రత్యామ్నాయ డ్రింక్స్ తాగొచ్చు. గ్రీన్ టీ, హెర్బల్ టీలు లాంటి డ్రింక్స్ తాగాలి. ఇవి తీసుకుంటే రిఫ్రెషింగ్‍గా అనిపిస్తుంది. కఫీన్ తీసుకోవాలన్న ఆశ తగ్గుతుంది.
* కాఫీ, టీలు తగ్గించినప్పుడు అప్పుడప్పుడు ఎనర్జీ తక్కువైనట్టు అనిపిస్తుంది. మళ్లీ అవి తీసుకోవాలని అనిపిస్తుంది. అలా అయినప్పుడు టీ, కాఫీ కాకుండా పండ్లు తినాలి. పండ్లలోని ఫైబర్, నేచురల్ షుగర్స్ శరీరానికి ఎనర్జీ ఇస్తాయి.
* టీ, కాఫీ తాగకుండా తట్టుకోలేనప్పుడు.. డార్క్ చాక్లెట్ తినొచ్చు. డార్క్ చాక్లెట్‍లో కెఫిన్ ఉన్నా.. చాలా తక్కువే. అయితే, కాఫీ తాగిన ఫీలింగ్‍ను ఇది ఇస్తుంది. 70 శాతం కొకొవా ఉన్న చాక్లెట్‍ను ఎంపిక చేసుకోవాలి.
* కాఫీ, టీలు మానేయాలనుకున్నప్పుడు.. ఆ కారణంగా వచ్చే లక్షణాలకు మనసును సిద్ధంగా ఉంచుకోవాలి. తలనొప్పి, నీరసం లాంటివి వచ్చే అవకాశం ఉందని గుర్తుంచుకోవాలి. ఇవి తాత్కాలికమే అని తెలుసుకోవాలి. కొంతకాలంలోనే శరీరం దీనికి అడ్జస్ట్ అవుతుందని గ్రహించాలి.
* ఒక్కోసారి డీహైడ్రేషన్ అయినప్పుడు కూడా టీ, కాఫీలు ఎక్కువగా తాగాలని అనిపిస్తుంది. అందుకే రోజూ నీరు బాగా తాగండి. శరీేరం హైడ్రేటెడ్‍గా ఉండేలా చూసుకోండి. టీ, కాఫీ తాగాలనిపించినప్పుడు నీరు తాగండి. దీంతో ఎనర్జీ లెవెల్స్ పెరుగుతాయి. కెఫిన్ తీసుకోవాలనే ఆశ తగ్గుతుంది.