ముస్లింలకు వ్యతిరేకంగా ఆయుధాలు చేపట్టండి
national | Suryaa Desk | Published : Wed, Dec 29, 2021, 06:33 PM
దేశంలో గత కొన్ని రోజులుగా స్వామీలు వివాదాస్పద వ్యాఖ్యలు చేయడం పెద్ద దుమారం రేపుతోంది. జాతీపిత మహాత్మాగాంధీ మొదలు కుల, మతాల పేరుతో ఈ వివాదాస్పద వ్యాఖ్యలు కొనసాగుతున్నాయి. ఇటీవల స్వామీ యతి నర్సింగానంద్ కూడా ఇలాంటి వ్యాఖ్యలే చేశారు. ‘ ‘ముస్లింలకు వ్యతిరేకంగా ఆయుధాలు చేపట్టాలని, 2029లో ఒక ముస్లిం ప్రధాని కాకూడదని’ అని యతి నర్సింగానంద్ పిలుపునిచ్చారు. వీటిపై తీవ్ర అభ్యంతరాలు వ్యక్తం కావడంతో తన వ్యాఖ్యలను సమర్ధించుకుంటూ వివరణ ఇచ్చారు. ఇక ముస్లింల గురించి మాట్లాడుతూ ‘‘భగవద్గీతలో పాండవులకు శ్రీకృష్ణుడు చేసిన ఉపదేశం మనం గుర్తుంచుకోవాలి.. కౌరవ సంహారానికి పాండవులను శ్రీకృష్ణుడు ప్రోత్సహించారు.. ఇప్పుడు దీని గురించి అడిగితే కృష్ణుడు కూడా ద్వేషపూరిత ప్రసంగం చేశాడంటారు. అయితే, తమ ప్రాంతాన్ని, తమ ప్రజలను కాపాడుకోవడానికే కృష్ణుడు అలా చెప్పాడని మనం అర్థం చేసుకోవాలి’’ అని యతి నర్సింగానంద్ అన్నారు.
|
|