వివాహేతర సంబంధం.. ప్రియుడితో కలిసి దారుణం
national | Suryaa Desk | Published : Mon, Jan 03, 2022, 04:32 PM
ఓ మహిళ తన ప్రియుడితో కలిసి అత్తమామలను దహనం చేసిన ఘటన పంజాబ్ లో శనివారం రాత్రి జరిగింది. ఈ కేసులో విస్తుపోయే విషయాలు వెలుగుచూశాయి. వివరాల్లోకి వెళితే.. పంజాబ్ హోషియార్పుర్ లోని తాండాకు చెందిన రిటైర్డ్ ఆర్మీ అధికారి మంజీత్ సింగ్, ఆయన భార్య వారి ఇంట్లోనే దహనం అయ్యారు. ఈ ఘటన జరిగినప్పుడు మంజీత్ సింగ్ కోడలు మణిదీప్ కౌర్ ఇంట్లోనే ఉంది. దీంతో మంజీత్ సింగ్ కుమారుడు రవీందర్ సింగ్ ఆమెపై అనుమానం వ్యక్తం చేశాడు. దీంతో పోలీసులు ఆమెను తమదైన శైలిలో విచారించగా అసలు విషయం బయటపెట్టారు.
రవీందర్ సింగ్ భార్య మణిదీప్ కౌర్ కు జస్మిత్ సింగ్ అనే వ్యక్తితో వివాహేతర సంబంధం ఉంది. వారి సంబంధానికి అత్తమామలే అడ్డుగా ఉన్నారని మణిదీప్ కౌర్ భావించింది. ప్లాన్ ప్రకారం తన ప్రియుడితో కలిసి శనివారం రాత్రి మంజీత్ సింగ్, ఆయన భార్యను కత్తితో పొడిచి హత్యచేశారు. పోలీసులకు ఆధారాలు చిక్కకుండా మృతదేహాలకు నిప్పంటించి కాల్చేశారు. ఈ ఘటన జరిగిన సమయంలో రవీందర్ సింగ్ ఇంట్లో లేడు. దుండగులే ఈ పని చేశారని పోలీసులను నమ్మించేందుకు ఇంట్లోని 19 తులాల బంగారం, రూ. 45వేలు నగదును మణిదీప్ కౌర్ తన ప్రియుడు జస్మిత్ సింగ్కు ఇచ్చి పంపించింది. దర్యాప్తు అనంతరం మణిదీప్ కౌర్, జస్మిత్సింగ్లను పోలీసులు అరెస్ట్ చేశారు. వారి నుంచి ఓ కత్తి, బైక్ ను స్వాధీనం చేసుకున్నారు. ఈ కేసుపై పూర్తిస్థాయిలో దర్యాప్తు చేస్తున్నారు.
|
|