ఆంక్షలు విధిస్తే.. ఇంటర్నేషనల్ స్పేస్ సెంటర్ను కూల్చేస్తాం
international | Suryaa Desk | Published : Sat, Feb 26, 2022, 02:14 PM
తనపై ఆంక్షలు విధిస్తే.. ఇంటర్నేషనల్ స్పేస్ సెంటర్ను కూల్చేస్తామని తనకు వ్యతిరేకంగా ఏకమవుతున్న దేశాలకు రష్యా హెచ్చరికలు జారీచేసింది. ఉక్రెయిన్పై యుద్ధోన్మాదంతో పేట్రేగిపోతున్న రష్యా.. తనను నిలువరించేందుకు యత్నిస్తున్న దేశాలను తనదైన శైలి హెచ్చరికలతో బెదిరిస్తోంది. తనపై ఆంక్షలు విధిస్తే.. ఇంటర్నేషనల్ స్పేస్ సెంటర్ను కూల్చేస్తామని రష్యా సంచలన ప్రకటన చేసింది. ఈ మేరకు రష్యా స్పేస్ డైరెక్టర్ ఈ భీతావహ ప్రకటనను విడుదల చేశారు. ఉక్రెయిన్తో ఉన్న సమస్యలను చర్చలతోనే పరిష్కరించుకోవాలని ఐక్యరాజ్య సమితి సహా చాలా దేశాలు రష్యాకు చెప్పాయి. అయితే ఏ దేశం మాట కూడా లెక్కపెట్టని రష్యా అధ్యక్షుడు వ్లాదిమిర్ పుతిన్ ఉక్రెయిన్పై యుద్ధానికి తెగబడ్డారు. ఈ క్రమంలో అమెరికా, నాటో దేశాలు రష్యాపై పలు ఆంక్షలను విధించాయి. తాజాగా శుక్రవారం నాడు రష్యాపై అమెరికా సైబర్ దాడులకు దిగింది. పుతిన్ ఆస్తులను ఫ్రీజ్ చేస్తామంటూ యూరోపియన్ యూనియన్ హెచ్చరించింది. ఈ హెచ్చరికల నేపథ్యంలో ప్రపంచ దేశాల వెన్నులో వణుకు పుట్టే విధంగా రష్యా స్పేస్ డైరెక్టర్ నుంచి ఓ ప్రకటన వచ్చింది. తమపై ఆంక్షలు విధిస్తే ఇంటర్నేషనల్ స్పేస్ సెంటర్ను కూల్చేస్తామని ఆయన ప్రకటించారు. ఈ సెంటర్ను అమెరికా, యూరోప్లపై కూల్చేస్తామని ఆయన వార్నింగ్ ఇచ్చారు. భారత్ లేదంటే చైనాల మీద కూడా స్పేస్ సెంటర్ పడుతుందని కూడా ఆయన సదరు ప్రకటనలో పేర్కొన్నారు.
|
|