ట్రెండింగ్
రష్యాకు అంత సీన్ లేదు: ఉక్రెయిన్
international | Suryaa Desk | Published : Sat, Feb 26, 2022, 02:24 PM
దేశం వదిలి రావాలని అమెరికా అందించిన ఆఫర్ను ఉక్రెయిన్ అధ్యక్షుడు వ్లాదిమిర్ జెలెన్ స్కీ తిరస్కరించారు. తాను, తన కుటుంబం రాజధాని కీవ్లోనే ఉంటామని స్పష్టం చేశారు. అంతేకాకుండా శనివారం మరో వీడియోను పోస్ట్ చేశారు. కీవ్ వీధుల్లో తిరుగుతున్న వీడియోను తాజాగా సోషల్ మీడియాలో పెట్టారు. తమ రాజధాని కీవ్ను రష్యా ఆక్రమించుకుందనే వార్తలను ఆయన ఖండించారు. రష్యాకు అంత సీన్ లేదని పేర్కొన్నారు. ఉక్రెయిన్ సరిహద్దుల్లో రెండు విమానాలను గుర్తించామని, జెలెన్ స్కీని తరలించేందుకే అవి వచ్చాయని రష్యా నుంచి వచ్చిన ప్రకటనపై ఆయన అలా స్పందించారు. ఇక రష్యాకు ఊహించని రీతిలో ఉక్రెయిన్ నుంచి ప్రతిఘటన ఎదురవుతోంది. అధ్యక్షుడి పిలుపు మేరకు చివరి వరకు దేశం కోసం పోరాడుతామని సామాన్య ప్రజలు యుద్ధంలోకి దిగుతున్నారు.
|
|