వినూత్న ఆలోచన.. లారీలో రెస్టారెంట్!
Andhra Pradesh Telugu | Suryaa Desk | Published : Sun, Mar 06, 2022, 03:03 PM
సాఫ్ట్వేర్ జాబ్ చేస్తున్న ఇద్దరు మిత్రులు ఏదైనా కొత్తగా వ్యాపారం చేయాలనుకున్నారు. ఫుడ్ ట్రక్ ఐడియా వాళ్లకి నచ్చింది. అయితే ప్రస్తుతం మార్కెట్లో చాలా ఫుడ్ ట్రక్లు ఉండటంతో కాస్త వినూత్నంగా ఆలోచించారు. ఒక పాత లారీ కొనుగోలు చేసి అందులో కదిలే హోటల్ ఏర్పాటు చేశారు.
వివరాల్లోకి వెళితే.. ఏపీలోని కృష్ణ జిల్లా జగ్గయ్యపేటకు చెందిన మిక్కిలినేని శివ, చిక్కేలా యశ్వంత్ 15 ఏళ్లుగా సాఫ్ట్వేర్ జాబ్ చేస్తున్నారు. వినూత్నంగా ఏదో చేయాలనే ఆలోచనతో కదిలే ఆహారశాలను ఏర్పాటు చేశారు. ఈ ఐడియాను అమలు చేయాటానికి 10 టైర్ల పాత లారీని కొనుగోలు చేశారు. సుమారు 35 లక్షల వరకు ఖర్చు చేసి అన్ని హంగులతో ఓ ఆధునికి మొబైల్ హోటల్ ను ఏర్పాటు చేశారు. కింది భాగంలో అన్ని సౌకర్యాలున్న వంటశాల పైభాగంలో 24 మంది కస్టమర్లు కూర్చొని తినేందుకు వీలుగా సీటింగ్ ఏర్పాటు చేేశారు. కస్టమర్ల ఆర్డర్ రెడీ కాగానే కిచెన్ నుంచి నేరుగా పైకి వచ్చేలా లిఫ్ట్ ఏర్పాటు చేశారు. సీసీ కెమెరాలతో పాటు టీవీలను కూడా అమర్చారు. ఈ ఆధునిక మొబైల్ హోటల్ను "మాన్స్టార్ ఫుడ్ ట్రక్" పేరుతో సూర్యాపేట జిల్లా కోదాడ మండలం చిమిర్యాల క్రాస్ రోడ్డు వద్ద 2 రోజుల క్రితం ఏర్పాటు చేశారు.
|
|