ఆదర్శంగా పిన్నీ-కూతురు రిలేషన్ షిప్
cinema | Suryaa Desk | Published : Sat, Oct 03, 2020, 09:29 AM
వారిద్దరు బాలీవుడ్ హీరోయిన్స్. అంతేకాదు ఒకరు పిన్ని..మరొకరు కుమారై. వారే బాలీవుడ్ అందాల తారలు కరీనాకపూర్, సారా అలీఖాన్. ఈ ఇద్దరు సెలబ్రిటీలది పిన్నీ-కూతురు రిలేషన్ అని ప్రత్యేకంగా చెప్పనవసరం లేదు. కరీనా, సారా పబ్లిక్ గా ఎక్కడ కనిపించినా ఒకరి పట్ల మరొకరు గౌరవంగా మెలుగుతారు. అవసరం వచ్చినపుడు ఒకరినొకరు ప్రశంసించుకుంటారు. ఓ ఈవెంట్ లో కరీనా కపూర్ ను రిపోర్టర్..మీరు సారాకు ఎలాంటి చిట్కాలు చెప్తుంటారని అడిగారు. సారాకు సంబంధించిన చాలా నిర్ణయాలను స్వాగతిస్తానని చెప్పింది కరీనా. సారాఅలీఖాన్ తో సమయాన్ని కేటాయించినపుడు తనకు సౌకర్యవంతంగా ఉంటుందని చెప్పింది. అంతేకాదు కరీనాకపూర్ ఫేవరెట్ రేడియో షో ‘వాట్ ఉమెన్ వాంట్’కు సారా ఇంటర్వ్యూ కూడా ఇవ్వడం విశేషం. మరోవైపు కరీనాకపూర్ తో స్నేహపూర్వక వాతావరణంలో మెలగడం వల్ల నాన్న సైఫ్ అలీఖాన్ ను ముఖంలో చిరునవ్వు చూస్తున్నానంటూ ఓ ఇంటర్వ్యూ లో చెప్పుకొచ్చింది సారాఅలీఖాన్. మొత్తానికి స్టార్ హీరోయిన్ కరీనాకపూర్, అప్ కమింగ్ స్టార్ హీరోయిన్ సారా అలీఖాన్ పిన్నీ-కూతురు రిలేషన్ షిప్ లో ఉన్నవారికి ఆదర్శంగా నిలుస్తున్నారనడంలో ఎలాంటి సందేహం లేదు.
|
|