గాడ్ ఫాదర్ రిలీజ్ అప్డేట్
cinema | Suryaa Desk | Published : Wed, Apr 06, 2022, 04:38 PM
మెగాస్టార్ చిరంజీవి నటిస్తున్న 153వ చిత్రం గాడ్ ఫాదర్. మోహన్ రాజా దర్శకత్వం వహిస్తున్న ఈ చిత్రం మలయాళ సూపర్ హిట్ మూవీ లూసిఫర్ కు తెలుగు రీమేక్. నయనతార హీరోయిన్ గా నటిస్తున్న ఈ చిత్రంలో సత్యదేవ్ కీలక పాత్ర పోషిస్తున్నాడు. బాలీవుడ్ సూపర్ స్టార్ సల్మాన్ ఖాన్ ఒక కీలక అతిధి పాత్రలో నటిస్తున్నారు.
తాజా సమాచారం ప్రకారం, పక్కా కమర్షియల్ మూవీ గా తెరకెక్కిన ఈ చిత్రాన్ని ఈ ఏడాది ఆగస్టు 11 లేదా 12 తారీఖుల్లో విడుదల చేసే అవకాశం ఉందని తెలుస్తోంది. ఇండిపెండెన్స్ డే హాలిడేస్ ను క్యాష్ చేసుకునే అవకాశం తోపాటూ ఎటువంటి పెద్ద సినిమాలు కూడా విడుదల కాకపోవటంతో అప్పుడే ఈ సినిమాను విడుదల చేస్తారని రీసెంట్ టాక్. అదేనిజమైతే మెగాస్టార్ చిరంజీవి బ్యాక్ టు బ్యాక్ ఈ ఏడాది రెండు సినిమాలతో ప్రేక్షకులను అలరించనున్నారు. ఏడాదికి రెండు సినిమాలను విడుదల చేసే విధంగా చిరు ప్లాన్ చేసుకున్న తీరు మిగిలిన హీరోలకు సవాల్ విసురుతుంది.
పోతే... చిరంజీవి నటించిన ఆచార్య ఏప్రిల్ 29న విడుదలవటానికి సిద్ధంగా ఉంది. ఇంకా.. అయన మెహర్ రమేష్ దర్శకత్వంలో చేస్తున్న భోళా శంకర్ మూవీ కూడా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. ఇలా కొన్ని నెలల వ్యవధిలోనే ఒక పెద్ద స్టార్ నుండి వరస సినిమాలు రావటం చాలా గొప్ప విషయం.
|
|