నాటు-నాటు పాటకు స్టెప్పులేస్తున్న చిరు,బాలయ్య లు... వీడియో వైరల్
cinema | Suryaa Desk | Published : Wed, Apr 06, 2022, 04:36 PM
దర్శకధీరుడు రాజమౌళి తెరకెక్కించిన పాన్ ఇండియా చిత్రం ఆర్ ఆర్ ఆర్. జూనియర్ ఎన్టీయార్, రామ్ చరణ్, అజయ్ దేవగణ్, ఆలియాభట్, శ్రియ శరణ్, ఒలీవియా మోరిస్ కీలక పాత్రలు పోషించిన ఈ చిత్రం మార్చి 25న విడుదలై భారీ వసూళ్లను రాబడుతోంది. ఈ సినిమాలో తారక్, చెర్రీల అద్భుతమైన నటన, రాజమౌళి టేకింగ్, కీరవాణి మ్యూజిక్ .. ఇలా అన్ని బాగా సెట్ అయ్యాయి. ముఖ్యంగా సినిమాలో వచ్చే నాటు నాటు సాంగ్ అయితే ప్రేక్షకులను థియేటర్లలోనే డాన్స్ చేయించేంత హుషారుగా సాగుతుంది. ఇప్పటికే ఇందులో ఉండే సిగ్నేచర్ మూమెంట్ కి కొంతమంది యువత, ప్రముఖ సెలెబ్రిటీలు తమదైన రీతిలో డాన్స్ చేస్తూ సోషల్ మీడియాలో పోస్ట్ చేస్తున్నారు. దీంతో ఈ స్టెప్ బాగా ఫేమస్ అయింది.
ఈ స్టెప్పుకి సినిమాలో చరణ్, తారక్ లు కాలు కదిపిన విషయం తెలిసిందే. అయితే ఈ స్టెప్పుని మెగాస్టార్ చిరంజీవి, నందమూరి నటసింహం బాలకృష్ణలు చేస్తే ఎలా ఉంటుంది. అదిరిపోదూ...!ఇదే ఆలోచన వచ్చిన కొంతమంది నెటిజన్లు సినిమాలో తారక్, చరణ్ వేసిన ఈ స్టెప్పుకి చిరు,బాలయ్య ఫేస్ లను మార్ఫింగ్ చేసి సోషల్ మీడియాలో పోస్ట్ చేసారు. ఇప్పుడీ వీడియో నెట్టింట తెగ ట్రెండ్ అవుతుంది. అయితే నిజంగా కూడా చిరు,బాలయ్యలు నాటు నాటు స్టెప్ వేయాలని ప్రేక్షకులు కోరుకుంటున్నారు. అయితే దానికి మంచి సమయం, సందర్భం రావాలి కదా....!
|
|