|
|
by Suryaa Desk | Wed, Jan 29, 2025, 10:29 AM
'పుష్ప 2'తో హ్యుజ్ సక్సెస్ అందుకున్న బన్నీ ఫ్యూచర్ ప్రాజెక్ట్స్ పై అందరి కన్ను పడింది. సౌత్ తో పాటు నార్త్ లోను కల్ట్ ఫాలోయింగ్ అందుకున్న బన్నీ.. ప్రభాస్ తర్వాత మోస్ట్ పవర్ఫుల్ పాన్ ఇండియన్ స్టార్ గా అవతరించాడు. ఈ తరుణంలో బన్నీ తన కెరీర్ ని చాలా జాగ్రత్తగా ప్లాన్ చేసుకోవాల్సి ఉంటుంది. ప్రస్తుతం బన్నీ త్రివిక్రమ్ ప్రాజెక్ట్ తో పాటు 'పుష్ప 3' చేయాల్సి ఉంది. దీంతో పాటు అట్లీ, సందీప్ రెడ్డి వంగా, సంజయ్ లీలా భన్సాలీలతో ప్రాజెక్ట్స్ చేయనున్నట్లు టాక్ వినిపిస్తుంది. ఇదంతా పక్కనే పెడితే బన్నీ నెక్ట్ స్టెప్ త్రివిక్రమ్ ప్రాజెక్ట్ కావడంతో ఈ సినిమా ఎలా ఉండబోతుందో తెలుసుకునే ప్రయత్నం చేద్దాం.అల్లు అర్జున్ త్రివిక్రమ్ కాంబోలో రాబోతున్న నాలుగో సినిమా మైథలాజికల్ జోనర్ అన్న ప్రచారం అనౌన్స్ మెంట్ నుంచి జరుగుతోంది.
తాజా సమాచారం ప్రకారం అల్లు అర్జున్ ఇందులో 'సుబ్రహ్మణ్య స్వామి'గా కనిపించనున్నాడని తెలుస్తొంది. 'గాడ్ ఆఫ్ వార్'గా కార్తకేయుడికి ఉన్న పేరుకు తగ్గట్టుగా సినిమాలో అల్లు అర్జున్ పాత్ర ఉంటుందని, పురాణాల స్పూర్తిగా త్రివిక్రమ్ ఈ సినిమా కథను సిద్ధం చేసినట్లు వార్తలు వినిపిస్తున్నాయి. ఏడాది క్రితమే ఈ సినిమా అనౌన్స్ అయినా.. అప్పటినుంచి ఎలాంటి అధికారిక ప్రకటనలు రాలేదు.ఇదిలా ఉంటే.. ప్రస్తుతం పాన్ ఇండియన్ మార్కెట్ లో పురాణ ఇతిహాస కథలకు మంచి మార్కెట్ ఉంది. మాటల మాంత్రికుడు త్రివిక్రమ్.. పురాణాల రిఫరెన్సులతో ఆడియెన్స్ ఈజీగా మాయాజాలం చేయగలడు. దీంతో బన్నీ, త్రివిక్రమ్ ప్రాజెక్ట్ పై భారీ అంచనాలు ఏర్పడ్డాయి. వాస్తవానికి ప్రభాస్ తర్వాత పాన్ ఇండియన్ మార్కెట్‌లో ఆ స్థాయి క్రేజ్ సంపాదించుకునే ఛాన్స్ ఎన్టీఆర్, రామ్ చరణ్ లకు దక్కింది. కానీ ఆ ఛాన్స్ ని సద్వినియోగం చేసుకోవడంలో ఫెయిల్ అయ్యారు. బన్నీ మాత్రం కరెక్ట్ స్టెప్ తీసున్నాడు అంటున్నారు .
Latest News