|
|
by Suryaa Desk | Thu, Jan 30, 2025, 09:20 AM
కలియుగంలో పరమశివుని భక్తుడైన మార్కండేయునికి ఎన్నో కష్టాలు ఎదురయ్యాయి, వాటిని శివుని అనుగ్రహంతో ఎలా అధిగమించాడు అనే కాల్పనిక కథాంశంతో తెరకెక్కిన చిత్రం ‘రాజా మార్కండేయ’. ‘వేట మొదలైంది’ అనేది ఉపశీర్షిక. తేజస్‌ వీరమాచినేని, రోమీ జంటగా నటించారు. ఈ చిత్రం ట్రైలర్ విడుదల కార్యక్రమాన్ని ఇటీవలే యూనిట్‌ నిర్వహించింది. నటుడు సుమన్‌, నిర్మాత ప్రతాని రామకృష్ణగౌడ్‌ చేతుల మీదుగా ట్రైలర్‌ను ఆవిష్కరించారు. ఈ చిత్రంలో శివయ్య పాట అద్భుతంగా ఉంటుంది, ప్రతి దేవాలయంలో ఈ పాట మార్మోగుతోంది అని నిర్మాత తెలిపారు. వినోదంతో పాటు సందేశం ఉన్న చిత్రమిదని దర్శకుడు చెప్పారు. బన్నీ అశ్వంత్‌ దర్శకత్వంలో సామా శ్రీధర్‌, పంజాల వెంకట్‌ గౌడ్‌ సంయుక్తంగా నిర్మిస్తున్నారు.
Latest News