|
|
by Suryaa Desk | Thu, Jan 30, 2025, 09:36 AM
దర్శకుడు ఎస్‌.ఎ్‌స.రాజమౌళి దర్శకత్వంలో మహేశ్‌బాబు కధానాయకుడిగా నటిస్తున్న ‘ఎస్‌ఎ్‌సఎమ్‌బీ29’ చిత్రం ఇటీవలే ప్రారంభమైన సంగతి తెలిసిందే. ఇందులో కథానాయికగా ప్రియాంక చోప్రా నటిస్తున్నారు. డాక్టర్‌. కె.ఎల్‌.నారాయణ నిర్మిస్తున్నారు. ప్రస్తుతం హైదరాబాద్‌లోని అల్యూమినియం ఫ్యాక్టరీలో టెస్ట్‌ షూట్‌ జరుగుతోంది. వచ్చే నెల నుంచి ఆఫ్రికాలోని కెన్యాలో రెగ్యులర్‌ షూటింగ్ ప్రారంభం అవ్వనున్నట్లు తెలిసింది. దాదాపు రూ.వెయ్యి కోట్ల భారీ బడ్జెట్‌తో రెండు భాగాలుగా చిత్రాన్ని తెరకెక్కిస్తున్నారు.
మొదటి భాగాన్ని 2027లో.. రెండవ భాగాన్ని 2029లో విడుదల చేయడానికి చిత్రబృందం సన్నాహాలు చేస్తోంది. ‘గరుడ’ అనే టైటిల్ పరిశీలనలో ఉంది. కాగా, అమెజాన్‌ అడవుల నేపథ్యంలో యాక్షన్ అడ్వంచర్‌గా రూపుదిద్దుకుంటున్న ఈ ప్రాజెక్ట్‌కు సంబంధించిన ఎటువంటి విషయాలు బయటకు రాకుండా చిత్రబృందానికి గట్టి హెచ్చరికలు జారీచేశారట రాజమౌళి. ఈ మేరకు చిత్రబృందం కొన్ని కఠిన నియమాలను పాటిస్తోంది.ఇందులో భాగంగా సినిమాలోని నటీనటులు, సాంకేతిక నిపుణులతో నాన్‌- డిస్‌క్లోస్‌ అగ్రిమెంట్‌ను మేకర్స్‌ కుదుర్చుకున్నట్లు సమాచారం. ఈ ఒప్పందం ప్రకారం ఈ చిత్రానికి సంబంధించి ఏ చిన్న విషయం లీక్‌ చేసినా, సదరు వ్యక్తులు భారీ మూల్యం చెల్లించాల్సి ఉంటుంది.
Latest News