|
|
by Suryaa Desk | Wed, Jan 29, 2025, 10:29 AM
పవన్‌కల్యాణ్‌ కథానాయరుడిగా రానున్న చిత్రం ‘హరి హర వీరమమల్లు’. క్రిష్‌, జ్యోతికృష్ణ దర్శకత్వంలో పీరియాడిక్‌ యాక్షన్ అడ్వెంచర్‌ మూవీగా ఇది సిద్థమవుతోంది. ఈ చిత్రంలో బాబీడియోల్‌ ప్రతినాయకుడిగా కనిపించనున్నారు. సోమవారం ఆయన పుట్టినరోజు సందర్భంగా చిత్రబృందం కొత్త పోస్టర్‌ను విడుదల చేసింది. అందులో రాజుల కాలం దుస్తుల్లో ఉన్న బాబీ కత్తి పట్టుకొని యుద్థానికి సిద్థమవుతున్నట్లు కనిపించారు. ప్రస్తుతం ఈ లుక్ సోషల్ మీడియాలో వైరల్ అవుతోంది మెగా సూర్య మూవీస్‌ పతాకంపై రూపొందుతున్న ఈ చిత్రం రెండు భాగాలుగా రానుంది. తొలిభాగం ‘హరిహర వీరమల్లు పార్ట్‌ 1: స్వార్డ్‌ వర్సెస్‌ స్పిరిట్’ పేరుతో విడుదల కానుంది. అనుపమ్‌ఖేర్‌, బాబీ దేవోల్‌, నిధి అగర్వాల్, నోరాహి ఫతేహి, విక్రమ్‌ జీత్‌, జిషు సేన్ గుప్త కీలక పాత్రధారులు. ఈ చిత్రానికి ఎం.ఎం.కీరవాణి స్వరాలు అందిస్తున్నారు.ఇటీవల ఈ చిత్రంలోని మాట వినాలి’ అనే పాటను విడుదల చేశారు. పవన్ కల్యాణ్‌ పాడిన ఆ పాట చక్కని ఆదరణ పొందింది. ఇందులో పవన్ సామ్రాజ్యవాదులకు వ్యతిరేకంగా.. స్వాతంత్య్రం కోసం పోరాడే ఓ యోధుడిగా కనిపించనున్నారు. 2025 మార్చి 28న ఈ చిత్రం మొదటి భాగం విడుదల కానుంది.
Latest News