పేపర్ వద్దు ప్లాస్టికే ముద్దంటున్న ట్రంప్

రోజుకో నిర్ణయంతో అందరినీ విస్మయానికి గురిచేస్తున్న అమెరికా ప్రెసిడెంట్ డొనాల్డ్ ట్రంప్ తాాజగా ప్లాస్టిక్ స్ట్రాల స్థానంలో కాగితం వాడాలనే బైడెన్ పరిపాలన విధానాన్ని రద్దు చేస్తూ.. అమెరికా అధ్యక్షుడు డొనాల్డ్ ట్రంప్ కార్యనిర్వాహక ఉత్తర్వుపై సంతకం చేశారు. 2027 నాటికి ఆహార సేవా కార్యకలాపాలు, ఈవెంట్లు, ప్యాకేజింగ్ నుంటి స్ట్రాలు సహా సింగిల్ యూజ్ ప్లాస్టిక్‌ల సమాఖ్య కొనుగోళ్లను దశలవారీగా నిలిపివేయాలంటూ బైడెన్ పరిపాలనా విధానం ఉత్తర్వులు జారీ చేసింది. కానీ వీటిని ట్రంప్ సర్కారు వెనక్కి తీసుకుంటూ.. దేశ వ్యాప్తంగా పేపర్ స్ట్రాలను బలవంతంగా వాడటాన్ని తగ్గించాలని నిర్ణయించింది.

45 రోజుల్లోగా పేపర్ స్ట్రాల వాడకాన్ని ముగించడానికి దేశవ్యాప్తంగా ఒక వ్యూహాన్ని అభివృద్ధి చేయాలని కొత్త ఉత్తర్వులు కోరుతున్నాయి. ముఖ్యంగా వైట్ హౌస్ వద్ద ఆర్డర్‌పై సంతకం చేస్తూ.. ఇది హాస్యాస్పదమైన పరిస్థితి అని, మళ్లీ తిరిగి మనం ప్లాస్టిక్ స్ట్రాల కోసం వెళ్తున్నామని ట్రంప్ చెప్పుకొచ్చారు. అలాగే వీటి గురించి మాట్లాడుతూ.. తాను చాలా సార్లు పేపర్ స్ట్రాలు వాడానని.. కానీ అవి మధ్యలోనే విరిగిపోయాయని చెప్పుకొచ్చారు.

ఫెడరల్ ప్రభుత్వం పేపర్ స్ట్రాల కొనుగోళ్లను నిలిపివేయాలని, వాటిని ఇకపై ఫెడరల్ భవనాల్లో అందించకుండా చూసుకోవాలని ఆదేశించింది. దేశవ్యాప్తంగా పేపర్ స్ట్రాలను బలవంతంగా ఉపయోగించడాన్ని తగ్గించడానికి 45 రోజుల సమయం కూడా ఇస్తున్నట్లు వివరించింది. అలాగే పేపర్ స్ట్రాలు ప్లాస్టిక్ స్ట్రాల కంటే ఖరీదైనవని.. అంత ఖర్చు చేసి వాటిని వినియోగించడం సరైనది కాదని చెప్పుకొచ్చారు.

ఇదే విషయాన్ని వివరిస్తూ.. ఎక్స్ వేదికగా ట్రంప్ పోస్ట్ కూడా పెట్టారు. దీనిపై ఒక్కొక్కరూ ఒక్కో విధంగా స్పందిస్తున్నారు. ఖర్చు తక్కువ, వాడటంలో కొన్ని సమస్యలు వస్తున్నా అవి ఆరోగ్యానికి చాలా మంచివని చెప్పుకొస్తున్నారు. మీరు నిజంగా అందరూ ఓవైపు ఉంటే మీరోవైపు ఉంటారంటూ కామెంట్లు చేస్తున్నారు. ప్లాస్టిక్ స్ట్రాలు తక్కువ ధరలకే దొరికినా అవి ఆరోగ్యాన్ని చాలా నాశనం చేస్తాయని తమ మనసులోని భావాలను కామెంట్ల రూపంలో వెల్లడిస్తున్నారు.