23.03.2025 నుండీ 30.03.2025 వరకు ద్వాదశరాశి ఫలములు (వార ఫలాలు)

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే ,చొ, లా,లీ,  లూ, లే, లో,ఆ)వారం ప్రారంభంలో చంద్రుడు ప్రభావం వల్ల తల్లిదండ్రుల సౌకర్యం కొరకు ఆలోచనలు అధికం చేస్తారు, కుటుంబంలో కార్యక్రమ కొరకు తండ్రి ఆర్థిక సహకారంతో ముందుకు వెళతారు. ఆధ్యాత్మిక విషయాలలో మిత్రులు కొలీగ్స్ తో కలసి దగ్గర ప్రయాణాలు, పెద్దలు గురువులను కలుస్తారు వారి ఆశీస్సులు తీసుకుంటారు. వృత్తిపరమైన విషయాల్లో బాధ్యతలు అధికంగా ఉంటాయి. శ్రమ శ్రమకి తగిన గౌరవం, ఆర్థిక లాభాలు అన్నప్పటికీ వ్యక్తులతో విభేదాలు అభిప్రాయ బేధాలు రాకుండా ముందుకు సాగాలి. వృత్తిపరమైన అంశాలలో ఆలస్యాలు ఆటంకాలు వాహన సంబంధమైన విషయాలు ఇబ్బందులు కలిగించినప్పటికీ కుటుంబ వాతావరణం సామాన్యంగా ఉంటుంది. వారం చివరిలో గృహ వాహన విషయాలు కొంత సంతృప్తికరంగా సాగుతాయి. తల్లి కుటుంబ సభ్యులతో కలిపి సమావేశాలు చర్చలు ఆనందాన్ని కలిగిస్తాయి. జీవిత భాగస్వామికి బహుమానాలు, కుటుంబంలోని స్త్రీలతో సఖ్యత, అధిక ఖర్చులు, ఆలోచనలు బాగుంటాయి, తోబుట్టువులు మిత్రులతో కలిపి ఖర్చులు అధికంగా ఉంటాయి. ఆహార స్వీకరణ, ఆరోగ్య సంబంధ అంశాలలో జాగ్రత్తలు అవసరం. క్రీమ్ అచ్యుతానంద గోవిందా జపించాలి.

వృషభరాశి...(కృతిక 2,3,4,రోహిణి 1 2 3 4,మృగశిర 1 2 పాదాలు) (నామ నక్షత్రములు:ఈ, ఊ, ఎ, ఓ, వా, వీ, వూ, వె, వో)  

రాశి వారికి వారం ప్రారంభంలో కమ్యూనికేషన్, ప్రయాణాలు విషయంలో ఇబ్బందులు, ముఖ్యమైన ఆత్మీయులైన వ్యక్తులు అభిప్రాయ బేధాలు రాకుండా జాగ్రత్త పడాలి. ఆకస్మిక లాభాలు సమానంగా అనవసరమైన ఖర్చులు చికాకును కలిగిస్తాయి. విద్యాపరమైన విషయాలలో దూర ప్రయాణాలు, విదేశీ విద్య మిత్రుల ప్రోత్సాహంతో ముందుకు ప్రయత్నాలు చేస్తారు. శ్రమకు తగిన గుర్తింపు గౌరవం, సామాజిక సేవ చేస్తారు. వృత్తి సంబంధమైన విషయాలు కొంత ఒత్తిడితో కూడిన గౌరవాన్ని, అధిక బాధ్యతల్ని తెస్తుంది. భాగస్వామ్య వ్యవహారాల్లో ఉద్వేగాలకు లోను కాకుండా తగిన జాగ్రత్తలు తీసుకోవాలి. సమయానికి ఆహార స్వీకరణ అవసరము. నూతన విషయాలు తెలుసుకుంటారు. విద్యార్థులకు విద్యాసంబంధమైన విషయాలు కొంత శ్రమతో విజయ సాధన కొరకు ఉపయోగంగా కనబడతాయి. వారం చివరిలో ఆర్థిక విషయాలు లాభకరంగా ఉంటాయి. వ్యక్తుల సహకారం బాగుంటుంది, దూర ప్రదేశాల్లో ఉండే వ్యక్తుల ఉండి బహుమానాలు అందుకుంటారు.

మిధున రాశి...(మృగశిర 3 4,ఆరుద్ర 1 2 3 4,పునర్వసు 1,2,3 పాదాలు) (నామ నక్షత్రములు: కా, కి, కూ, ఖం , జ్ఞ, చ్చ, కే, కో, హ, హి)  

వారం ప్రారంభంలో ఆర్థిక విషయాలు అనుకూలంగా ఉంటాయి, నూతన మిత్రత్వాలు, స్నేహ సంబంధాలు అభివృద్ధి చెందుతాయి. ఇంతకుముందు ఇబ్బంది పెట్టిన వ్యక్తులు మిత్రులుగా మారడానికి అవకాశం ఉంది. బకాయి పడిన పాత రుణములు అందుకుంటారు. రోగ నిరోధక శక్తి పెరుగుతుంది. వారం మధ్యలో ముఖ్యమైన విషయాలు వాయిదా పడే అవకాశం ఉంది, మధ్యవర్తిత్వం పనికిరాదు, ఆర్థిక విషయాలు, ప్రయాణాలు, పరిచయాలు  విషయాల్లో తగిన జాగ్రత్తలు తీసుకోవాలి. తండ్రి యొక్క ఆరోగ్యం ఆలోచన చేస్తారు, మాటల వల్ల ఇబ్బందులు రాకుండా జాగ్రత్తలు తీసుకోవాలి. వారం చివరిలో వృత్తి విషయంలో ఎక్కువ ఒత్తిడి లోనవుతారు, మీ ఆలోచనలు సంతానపరమైన విషయాల పై ఎక్కువ ఫోకస్ చేస్తారు, సెల్ఫ్ కాన్ఫిడెన్స్ తగ్గుతుంది, విద్యార్థులు విద్య మీద తగిన శ్రద్ధ చూపించాలి. పలుకుబడి కలిగిన ఉన్నతాధికారులు ద్వారా సహకారాన్ని ఆశిస్తారు, కొత్త పరిచయాలతో మోసానికి లోను కాకుండా తగిన జాగ్రత్తలు తీసుకుంటూ ముందుకు వెళ్లాలి.: సుమంతో సుమంతో శ్రీ కార్తవీర్యార్జునాయ నమః అనే శ్లోకాన్ని పఠించాలి.

కర్కాటక రాశి...(పునర్వసు 4, పుష్యమి 1 2 3 4, ఆశ్లేష 1 2 3 4 పాదాలు) (నామ నక్షత్రములు: హి, హూ, హే, హో, డా, డీ ,డూ, డే, డో)

వారం ప్రారంభంలో కొంత అసంతృప్తిగా ఉన్నప్పటికీ ఆగిన పనులు పూర్తి చేయడానికి సంకల్పం తీసుకుంటారు, వృత్తిలో వ్యక్తుల స్వార్థపూరితమైన మనస్తత్వం మీకు చికాకును కలిగిస్తుంది, వృత్తి సంతానము సంబంధించిన అంశాలు ఒత్తిడిని, నిద్రలేమిని కలిగిస్తూ సహనాన్ని కోల్పోయేలా చేస్తాయి. వృత్తిపరంగా నూతన వ్యక్తులను కలుస్తారు గౌరవం పెరుగుతుంది, ఆధ్యాత్మిక వృత్తికి నూతన అవకాశాలు ఆధ్యాత్మిక ఆలోచనలు. ప్రయాణాల సంకల్పం. మిత్రులను బంధువుల్ని కలుస్తారు. భాగస్వామితో కలిసి కొన్ని నిర్ణయాలు వృత్తికి సంబంధించి, సంతాన అభివృద్ధికి సంబంధించి గట్టిగా తీసుకుంటారు. వారం చివరిలో శారీరక మానసిక ఆరోగ్య విషయంలో శ్రద్ధ తీసుకోవాలి, ముఖ్యమైన విషయాలు ఆటంకాలు, శ్రమ తిరుగుడు, అధిక ఖర్చు మనశ్శాంతి లోపం. ఆలోచనలు పెరుగుతాయి, సంతృప్తి తగ్గుతుంది. నూతన వాహన, గృహ అంశాల మీద ఆలోచనలు. తండ్రి గారి ఆరోగ్యం కూడా శ్రద్ధ తీసుకుంటారు. ఇష్టం లేని విషయాలు వినవలసి వస్తుంది. తోబుట్టువులతో విభేదాలు రాకుండా జాగ్రత్త తీసుకోవాలి. ఆచితూచి వ్యవహరించాలి. : శ్రీ రాజ మాతాంగియై నమః శ్లోకము  మేలు.

సింహరాశి...(మఖ 1 2 3 4, పుబ్బ 1 2 3 4, ఉత్తర 1వ పాదం)  (నామ నక్షత్రములు: మా, మీ, మూ, మే, మో, టా, టీ, టూ, టే)

ఈ రాశి వారికి వారం ప్రారంభంలో మానసిక ప్రశాంతత తక్కువగా ఉంటుంది  అధిక ఆలోచనలు చికాకును కలిగిస్తాయి. నూతన దీర్ఘకాలిక పెట్టుబడుల కొరకు, భూ సంబంధ అంశాల కొరకు తల్లితండ్రులను సంప్రదిస్తూ ఆలోచనలు చేస్తారు. ఆరోగ్య శ్రద్ధ అవసరము రోగనిరోధక శక్తిని పెంచుకోవడానికి ప్రయత్నాలు చేస్తారు ఆరోగ్య విషయాని నిర్లక్ష్యం చేయకుండా అవసరమైన సమయంలో వైద్యులను సంప్రదించటం మేలు. భాగస్వామ్య వ్యవహారాల్లో రుణముల విషయంలో ఆకస్మిక ఖర్చులు. వారం మధ్యలో నూతన మిత్రులు, సమావేశాలు జీవిత భాగస్వామితో కలిసి రిసార్ట్స్ వంటి ప్రదేశాలకు వెళ్లడానికి ప్రయత్నాలు చేస్తారు. వారం చివరిలో ఆరోగ్య మీద ప్రత్యేక శ్రద్ధ తీసుకోవాలి, ఒత్తిడి అలసట, వృత్తి సంబంధించిన అంశాలు, తోబుట్టువులతో చర్చలు, కుటుంబ సమావేశాలు, మాట విలువ మొదలైన విషయాలలో అపార్థాలకు అవకాశం రాకుండా చూసుకోవాలి. శ్రీరామ జయ రామ జయజయ రామ శ్లోకము మేలు

కన్యా రాశి...(ఉత్తరఫల్గుణి 2 3 4,హస్త 4,చిత్త 1 2 పాదాలు) (నామ నక్షత్రములు: టో,పా,పి,పూ,షం,ణా,పే,పో)

వారం ప్రారంభంలో నూతన గృహ వాహన విషయాలు, తల్లి ఆరోగ్యం, స్థిరాస్తులు, విద్యార్థులకు విద్యాసంబంధ విషయాలు, అనుకూలంగా ఉంటాయి. సంతాన అభివృద్ధి విషయంలో ఎక్కువ శ్రద్ధ తీసు కుంటారు. వారి ఆరోగ్య విషయంలో, వ్యక్తిగత వృత్తిపరమైన విషయాలలో కొత్త ఆలోచనలు చేస్తారు. ఆలస్యంగా నైనా మీ ఆలోచనలు ఫలిస్తాయి, అన్నదమ్ములతో, ముఖ్యంగా ఆత్మీయులేని మిత్రులతో విభేదాలు రాకుండా జాగ్రత్తలు తీసుకోవాలి. వారం చివరిలో రుణాలు చెల్లిస్తారు శత్రువుల మీద విజయం సాధిస్తారు నైపుణ్యాలు పెంచుకుంటారు. నూతన వృత్తులకు అవకాశాలు. అయినప్పటికీ భాగస్వామితో విభేదాలు రాకుండా జాగ్రత్తలు తీసుకోవాలి. వ్యక్తిగత ఆరోగ్య విషయం మీద శ్రద్ధ తీసుకుంటూ వైరాగ్యపు ఆలోచనలని, నూతన పరిచయాల్లో, ఆత్మీయ సంబంధాల్లో అపార్ధాలుని అధిగమిస్తూ ముందుకు వెళ్లాలి. వరాహాయ ధరన్యుద్దారకాయ శ్లోకము మేలు

తులా రాశి...(చిత్త 3 4,స్వాతి 1 2 3 4, విశాఖ 1 2 3 పాదాలు) (నామ నక్షత్రములు: రా, రి, రూ, రె, రో, తా, తీ, తూ, తే)    

వారం ప్రారంభంలో కొలీగ్స్, క్రింద పనిచేసే వ్యక్తులు కొంతవరకు సహకరిస్తారు, నిర్ణయి సామర్థ్యం బాగుంటుంది, వృత్తిపరమైన బాధ్యత పెరుగుతుంది. జీవిత భాగస్వామి సహకారంతో క్రొత్త ఆలోచనలు శ్రీకారం చుడతారు. తోబుట్టువులని సంప్రదిస్తారు. మాటలతో అపార్ధాలు రాకుండా చాకచక్యంగా వ్యవహరించాలి. వృత్తి చేయు ప్రదేశంలో వాహన సంబంధం అయిన విషయాలలో ఎక్కువ ఫోకస్ చేస్తారు. గృహ వాహన స్థిరాస్తి సంబంధ అంశాలు చర్చకి వస్తాయి. తల్లి ఆరోగ్యం బాగుంటుంది విద్యార్థుల శ్రమ అనుకూలంగా ఉంటుంది విషయాలు నేర్చుకుంటారు సమయానికి ఆహార స్వీకరణ చేస్తారు   మానసిక ప్రశాంతత సామాన్యంగా ఉంటుంది. ఆలోచనలు సృజనాత్మకంగా లాభసాటిగా ఉంటాయి సంతానము అభివృద్ధి కరంగా ముందుకు వెళతారు. వారం చివరిలో శత్రువుల మీద విజయం సాధిస్తారు రుణములు చెల్లిస్తారు. నైపుణ్యాలు పెరుగుతాయి. ఆధ్యాత్మిక చింతన, ప్రవచనాలు, ఆధ్యాత్మిక కలయిక, ఆశీస్సులు అనుకూలంగా ఉంటాయి. ఆపదామపహర్తారాం దాతారాం సర్వసంపదం శ్లోకము మేలు

వృశ్చిక రాశి...(విశాఖ 4,అనురాధ 1 2 3 4, జేష్ఠ 1 2 3 పాదాలు) (నామ నక్షత్రములు: తో, నా, నీ, నూ, నె, నో, యా, యీ, యు)   వారం ప్రారంభంలో కుటుంబ వాతావరణ కొంచెం చికాకుగా ఘర్షణగా ఉంటుంది మాటల వల్ల అపార్ధాలకు అవకాశం ఉంది శ్రద్ధ తీసుకోవాలి అనుకోని శత్రుత్వాలు చికాకును కలిగిస్తాయి. జీవిత భాగస్వామి సంతానంతో కలిసి ఆధ్యాత్మిక ప్రయాణాల కొరకు ఆలోచనలు, ప్రయత్నాలు చేస్తారు. అనవసర ఆటంకాలతో పెట్టుకున్న పనులు, ప్రయాణాలు ముందుకు సాగవు. వారం మధ్యలో సామర్థ్యాలు పెరిగిన శక్తి మించి కృషి చేసిన ఇరుగుపొరుగు, తోబుట్టువులతో కొంత ఘర్షణాత్మకమైన అవకాశాలు అపార్ధాలు అధికంగా ఉంటాయి. డ్రైవింగ్ చేసేవారు జాగ్రత్తలు తీసుకోవాలి వాహన విషయంలో గృహం విషయంలో చికాకులు అధిక మొత్తంలో ఉంటాయి. వాటికి సంబంధించి అధిక అనవసరమైన ఖర్చులు తీవ్ర మనస్థాపాన్ని కలిగిస్తాయి. ప్రశాంతత లోపిస్తుంది. వారాంతంలో విందు వినోదాలు, షాపింగులు, సంతానము జీవిత భాగస్వామితోనూ చర్చలు. ఉన్నతాధికారులతో మాట పట్టింపులు రాకుండా జాగ్రత్త తీసుకోవాలి. కొనుగోలులో, గృహ వాహన ఖర్చుల విషయంలో  స్వార్థపూరితమైన కొత్త వ్యక్తుల స్నేహ సంబంధాలు, మోసాలు ప్రలోభాలు మొదలైన వాటికి లొంగకుండా జాగ్రత్తలు తీసుకోవాలి. చింతామణి గృహంతస్థ శ్రీమన్నగరనాయక: శ్లోకం మేలు

ధను రాశి...(మూల 1 2 3 4,పూర్వాషాఢ 1 2 3 4,ఉత్తరాషాఢ 1వ  పాదం) (నామ నక్షత్రములు: యే, యో, భా,భీ, భూ, ధ, ఫ, డా, భే)

వారం ప్రారంభంలో ఆరోగ్య విషయంలో, వ్యక్తిగత అంశాలలో తగిన శ్రద్ధ అవసరం, అనవసర ఖర్చులు నియంత్రించుకోగలగాలి. సంతాన సంబంధం అభివృద్ధి కొరకు,  భాగస్వామ్య వ్యవహారాలకు ఉద్వేగాలు లేకుండా నిదానంగా వ్యవహరించి పనులు సాధించుకోవాలి. రహస్య శత్రువులు ఇబ్బంది పెట్టడానికి చేసే ప్రయత్నాల్లో, మీ నైపుణ్యాలతో అధిగమిస్తారు. జాగ్రత్తగా మాట్లాడుతూ, గౌరవం తగ్గకుండా, ఖర్చులు చేస్తూ, కుటుంబ సభ్యులతో వివాదములు రాకుండా ముందుకు వెళ్లాలి. ప్రయాణాల్లో జాగ్రత్తలు తీసుకోవాలి. ఒకదానికి అనుకున్న ఖర్చు మరొక దానికి అవ్వడం వల్ల కొంత చికాకులు ఉంటాయి. సామర్థ్యం పెరుగుతుంది. శ్రమతో పనులు సాధించుకుంటారు. మీ క్రింద పని చేసేవారు సమయానికి సహకరించ పోవడం వల్ల కొంత చికాకులు ఉన్నప్పటికీ దాని అధిగమించగలరు. వారం చివరిలో ప్రశాంతత కొంత తగ్గుతుంది, విద్యార్థులు విద్య మీద దృష్టి సారించాలి, వాహనాల నడిపేవారు తగిన జాగ్రత్తలు తీసుకోవాలి, గృహ వాహన విషయాలలో పెట్టుబడులు ఆలోచనలు చేస్తారు. శ్రీరామ జయరామ జయ జయ రామ రామ  శ్లోకము మేలు

మకర రాశి...(ఉత్తరాషాఢ 2 3 4, శ్రవణం 1 2 3 4, ధనిష్ఠ 1 2  పాదాలు) (నామ నక్షత్రములు: భ,జా,జి,ఖి,ఖు,ఖే,ఖో,గా,గి)

ఈ రాశి వారికి వారం ప్రారంభంలో నూతన పరిచయాలు స్నేహ సంబంధాలు మొదలైన వాటికోసం ఖర్చులు చేస్తారు యువత భాగస్వామితో కలిపి కొత్త ఆలోచనలు చేస్తారు దీర్ఘకాలికి పెట్టుబడుల మీద దృష్టి కేంద్రీకరిస్తారు. పుణ్యాలు పెంచుకుంటూ శత్రువుల మీద విజయం సాధిస్తారు. కొంత నిద్రలేమి చికాకును కలిగిస్తుంది. నాయకత్వ లక్షణాలు పెరుగుతాయి పౌరుషంగా తీసుకుంటారు లాభదాయకమైన నిర్ణయాలతో ముందుకు సాగుతారు. విదేశాలలో ఉన్న సంతానము అభివృద్ధి కరంగా ఉంటుంది ఇష్టపడిన వ్యక్తులతో వాతావరణం సామాన్యంగా ఉంటుంది. జీవిత భాగస్వామికి ఆర్థికపరంగా అనుకూలంగా ఉంటుంది, అత్తవారి కుటుంబ సభ్యులతో చర్చలు చేస్తారు. వారం చివరిలో దూర  ప్రదేశాలలో ఉన్న తోబుట్టువులతో, ఉన్నత అధికారులతో  అభిప్రాయ బేధాలు రాకుండా వ్యవహరించాలి. వ్యక్తుల సహకారం అనుకూలంగా ఉంటుంది. ప్రయాణాలు చేస్తారు, నిర్ణయ సామర్థ్యం బాగుంటుంది. గణేష్ దేవాలయాలు సందర్శనమేలు

కుంభ రాశి...(ధనిష్ట 3 4, శతభిషం 1 2 3 4, పూర్వాభాద్ర 1 2 3  పాదాలు) (నామ నక్షత్రములు: గూ, గే, గో, సా, సి, సు, సే, సో, దా)    

వారం ప్రారంభంలో ఆగిన పనులు, ఆధ్యాత్మిక విషయాలు సంబంధించిన అంశాలు ముందుకు సాగుతాయి. స్థిరాస్తుల కొరకు చర్చలు. గృహ వాహనాలు అనుకూలంగా ఉంటాయి. మాట విలువ బాగుంటుంది. మిత్రులు సన్నిహితులు సహకరిస్తారు మనసు ఉల్లాసంగా ఉంటుంది. వారం మధ్యలో ఒత్తిడితో భారం అధికంగా ఉంటుంది. ముఖ్యమైన పనులు వాయిదా పడినవి కుండ చేస్తూ ముందుకు వెళ్లడానికి ప్రయత్నం చేయాలి, నూతన వృత్తులు కొరకు ప్రయత్నం చేసే వారికి దూర ప్రదేశాల్లో అవకాశాలు, ఆరోగ్య విషయంలో తగిన శ్రద్ధ తీసుకోవాలి. రోగ నిరోధక శక్తిని పెంచుకోవాలి. రుణములు చెల్లిస్తారు. నైపుణ్యాలు పెంచుకుంటారు. శత్రువుల మీద విజయం సాధిస్తారు. అసంతృప్తిని జయించే విధంగా ఆలోచనలు చేయాలి. వారం చివరిలో మాటల వల్ల, ఆర్థిక విషయాలలో, కుటుంబ సంబంధ వ్యవహారాలు, మొదలైన విషయాల్లో తగిన జాగ్రత్తలు తీసుకుంటూ ముందుకు వెళ్లాలి. మాటలు ఖర్చులు జాగ్రత్త అవసరం. శ్రీరామ జయరామ జయ జయ రామ రామ శ్లోకం మేలు.

మీన రాశి...(పూర్వాభాద్ర 4,ఉత్తరాభాద్ర 1 2 3 4,రేవతి 1 2 3 4 పాదాలు)(నామ నక్షత్రములు: దీ , దు, ఇ+, ఝ, ధా, దే, దో, చా, చి)

వారం ప్రారంభంలో  వృత్తిపరమైన అంశాలలో బాధ్యతలు శ్రమ అధికంగా ఉంటాయి మీ ఆలోచనలు నైపుణ్యాలు గౌరవాన్ని పెంచే విధంగా ఉంటాయి. వ్యక్తుల సహకారం కొంత ఉండడం వల్ల ప్రశాంతత కూడా తక్కువగా ఉంటుంది. కమ్యూనికేషన్ విషయములలో జాగ్రత్తలు అవసరం. వారం మధ్యలో మీ ఆలోచనలు ఫలిస్తాయి, సంతానం అభివృద్ధికరంగా ముందుకు సాగుతుంది, ఆత్మీయులైన వ్యక్తులతో  అభిప్రాయ బేధాలు లేకుండా ముందుకు పెడతారు. ఆర్థిక సంబంధమైన, భూ సంబంధ విషయాలు అనుకూలం. తండ్రి సహకారం బాగుంటుంది. వారం చివరిలో సంతాన సంబంధ అంశాలలో అభివృద్ధి విషయాలలో పెట్టుబడులు. ఉపాసన బలం పెంచుకుంటారు ఆధ్యాత్మిక ఆలోచనలు చేస్తారు. ఇష్టమైన వస్తువులపై ఖర్చులు అధికంగా పెట్టడం వల్ల మానసిక ప్రశాంతత పొందుతారు. వారం చివరిలో ఆరోగ్య విషయంలో జాగ్రత్తలు తీసుకోవాలి, కొత్త వ్యక్తుల విషయంలో కొత్త పెట్టుబడుల విషయంలో మోసానికి గురి కాకుండా జాగ్రత్తలు తీసుకోవాలి, తల్లి జీవిత భాగస్వామి మొదలైన ఆత్మీయమైన వ్యక్తులతో అపార్థాలకు దూరంగా ఉండాలి. సుమంతు సుమంతో శ్రీ కార్తవీర్యార్జునాయ నమః: శ్లోకము మేలు (గమనిక: వ్యక్తిగత జాతకము అనగా వ్యక్తి పుట్టి నపుడు అతని సమయం, స్థలం, జన్మ వివరాలు ఆధారముగా నిర్మించిన జన్మకుండలి ప్రకారము వ్యక్తికి నడుస్తున్న దశలు, అంతర్దశలు ప్రధానము. గోచారం ఫలితాలు చూసుకునేటప్పుడు ప్రధానముగా వ్యక్తిగత  జాతకము లోని దశ  అంతర్దశలు కూడా కలిపి చూసుకోవాలి. గోచార రీత్యా రాశి ఫలాలు అశుభము గా ఉండి దోషాలు ఉన్నప్పటికీ, జననకాల దశ ఫలములు శుభము గా ఉంటే  రాశి   ప్రస్తుత అశుభ ఫలితాలు స్వల్పంగానే ఉంటాయి. చిన్న చిన్న పరిహారాలు పాటించి శుభ ఫలితాలు పొందగలరు)

డా|| ఈడుపుగంటి పద్మజారాణి

జ్యోతిష్యము & వాస్తు నిపుణురాలు
email : padma.suryapaper@gmail.com
phone : +91 93930 07560, +91 98492 50852
www.padmamukhi.com