ట్రెండింగ్
Epaper    English    தமிழ்

పురిటినొప్పుల వేళ భూప్రళయం.. ఆస్పత్రికి బదులు పార్కులో డెలవరీ చేసిన వైద్యులు

international |  Suryaa Desk  | Published : Sat, Mar 29, 2025, 08:09 PM

మయన్మార్, థాయ్‌లాండ్‌ దేశాల్లో శుక్రవారం రోజు మధ్యాహ్నం పెద్ద ఎత్తున భూకంపం సంభవించిన విషయం అందరికీ తెలిసిందే. ఈ దారుణ ఘటన వల్ల ఇప్పటికే 1000 మందికి పైగా ప్రాణాలు కోల్పోయారు. అనేక భవనాలు, ఇళ్లు, చెట్లు పేకమేడల్లా కూలిపోయాయి. ఇప్పటికీ వీటికి సంబంధించిన వీడియోలు నెట్టింట తెగ వైరల్ అవుతుండగా.. తాజా మరో వీడియో వెలుగులోకి వచ్చింది. అందులో భూకంప సమయంలో ఓ మహిళ ఆస్పత్రిలో పురిటి నొప్పులతో బాధ పడగా.. ఆస్పత్రి భవనం కూలే అవకాశం ఉన్నందున సిబ్బంది ఆమెను బయటకు తీసుకువచ్చారు. స్థానికంగా ఉన్న ఓ పార్కు వద్దకు తీసుకెళ్లి డెలివరీ చేశారు. ఆ పూర్తి వివరాలు మీకోసం.


శుక్రవారం రోజు మధ్యాహ్నం 12.50 గంటల సమయంలో మయన్మార్ సహా థాయ్‌లాండ్‌లోనూ పెద్ద ఎత్తున భూకంపం సంభవించింది. ముఖ్యంగా రిక్టర్ స్కేలుపై 7.7 తీవ్రతో భూకంపం రాగా.. అనేక భవనాలు, ఇళ్లు పేక మేడల్లా కూలిపోయాయి. ఒక్కసారిగా భూమి కంపించగా.. ప్రజలు ప్రాణాలు కాపాడుకునేందుకు బిల్డింగులు, భవనాల్లోంచి బయటకు పరుగులు తీశారు. అదృష్ట వశాత్తు కొందరు బతికి బయట పడగా.. అనేక మంది భవనాల కిందే పడి ప్రాణాలు కోల్పోయారు. ఇప్పటి వరకు రెండు దేశాల్లో కలిసి 1000 మందికి పైగా ప్రజలు ప్రాణాలు కోల్పోగా.. 2 వేల 370 మందికి పైగా గాయలపాలయ్యారు.


మరోవైపు భూకంపానికి సంబంధించి సోషల్ మీడియా వేదికగా అనేక వీడియోలు వైరల్ అవుతున్నాయి. నిన్నటి నుంచి పెద్ద పెద్ద భవనాలు సైతం నేల కూలుతున్న, వాటి శిథిలాల కింద ప్రాణాలతో కొట్టిమిట్టాడుతున్న ప్రజల విజ్యువల్స్ కనిపస్తూ.. అందరి చేత కన్నీళ్లు పెట్టిస్తున్నాయి. అయితే తాజాగా మరో వీడియో నెట్టింట వైరల్ అవుతోంది. ముఖ్యంగా అందులో పురిటి నొప్పులతో బాధ పడుతున్న మహిళకు పార్కులో వైద్యులు డెలివరీ చేశారు.


బ్యాంకాక్‌లోని బీఎన్ హెచ్, కింగ్ చులాలాంగ్ కార్న్ మెమోరియల్ ఆస్పత్రుల్లో అనేక మంది రోగులు చికిత్స పొందుతున్నారు. అయితే శుక్రవారం రోజు ఒక్కసారిగా భూమి కంపించగా.. ఆస్పత్రి భవనం ఎక్కడ కూలిపోతుందేమోనన్న భయంతో.. సిబ్బంది రోగులను స్థానికంగా ఉండే ఓ పార్కుకు తరలించారు. ఈక్రమంలోనే నెలలు నిండిన ఓ గర్భిణీ స్త్రీకి పురిటి నొప్పులు ప్రారంభం అయ్యాయి. విషయం గుర్తించిన వైద్యులు పార్కులోనే ఆమెకు డెలివరీ చేయాలనుకున్నారు. అందుకోసం ఆస్పత్రి నుంచి అవసరమైన పరికరాలు తీసుకు వచ్చి.. పార్కులో అంతా చూస్తుండగానే డెలివరీ చేశారు. ప్రస్తుతం ఇందుకు సంబంధినచ వీడియో నెట్టింట తెగ వైరల్ అవుతోంది. ముఖ్యంగా మహిళ పార్కులో బిడ్డకు జన్మనివ్వగా.. చిన్నారి సహా ఆమె కూడా వీడియోలో కనిపిస్తోంది. ఈ వీడియోను మీరోసారి చూసి ఏమనిపిస్తుందో కామెంట్ల రూపంలో తెలియజేయండి.






SURYAA NEWS, synonym with professional journalism, started basically to serve the Telugu language readers. And apart from that we have our own e-portal domains viz,. https://www.suryaa.com/ and https://epaper.suryaa.com