వారు మీడియాపై గెలిచారు

మీడియా స్వేచ్ఛకు కొన్నిపరిమితులు ఉన్నాయని గుర్తుచేసే ఘటన  ఇటీవల బహిర్గతమైంది. తన వ్యక్తిగత గోప్యతకు భంగం కలిగించేలా వ్యవహరించారని ఆరోపిస్తూ అసోసియేటెడ్ ప్రెస్‌పై బ్రిటన్ యువరాజు హ్యారీ భార్య మేఘన్ మార్కెల్ పరువు నష్టం దావా వేసిన విషయం తెలిసిందే. ఈ కేసులో కింది కోర్టు మేఘన్‌కు అనుకూలంగా తీర్పు వెలువరిస్తూ.. 30,000 పౌండ్లు నష్టపరిహారం చెల్లించాలని తీర్పునిచ్చింది. దీనిని అసోసియేటెడ్ ప్రెస్ (ఏపీ) యూకే సుప్రీంకోర్టులో సవాల్ చేసింది. సుప్రీంకోర్టులోనూ మేఘన్‌కు ఆమెకు అనుకూలంగా తీర్పును వెలువరించినా.. కింది కోర్టు విధించిన జరిమానాను తగ్గించింది. పరిహారం కింద కేవలం ఒక్క పౌండు మాత్రమే చెల్లించాలని ఆదేశించడం గమనార్హం. ఆమె అనుమతి లేకుండా వ్యక్తిగత సమాచారాన్ని దుర్వినియోగం చేయడం కాపీరైట్ ఉల్లంఘన కిందే వస్తుందని, అసోసియేటెడ్ ప్రెస్ ఒక్క పౌండును చెల్లించాలని సూచించింది. కాగా, తీర్పుపై రాజకుంటుం అధికార ప్రతినిధి మాట్లాడుతూ.. కాపీరైట్ ఉల్లంఘన తీవ్రమైందని, ఈ జరిమానాను స్వచ్ఛంద సంస్థకు విరాళంగా అందజేయనున్నట్టు తెలిపారు. కోర్టు ఆఫ్ అప్పీల్ గతంలో ఇచ్చిన తీర్పు వివరాలను ఏపీ తరఫున లాయర్లు బుధవారం వెల్లడించారు. చట్టపరమైన ఖర్చుల కోసం మార్కెల్‌కు 300,000 పౌడ్‌లను చెల్లించాలని పేర్కొందని, దీనిపై అసోసియేటెడ్ ప్రెస్ సుప్రీంకోర్టులో అప్పీల్ చేసిందని తెలిపారు. హైకోర్టు న్యాయమూర్తి పూర్తి విచారణ లేకుండానే మేఘన్‌కు అనుకూలంగా తీర్పునిచ్చారని వివరించారు. ఇదిలా ఉండగా, తాజా తీర్పుతో సుదీర్ఘంగా కొనసాగుతున్న ఈ కేసులో ఓటమిని ఏపీ ఒప్పుకున్నట్టు తెలుస్తోంది. మేఘన్ తన తండ్రికి 2019లో రాసిన లేఖను ప్రచురించడం పట్ల అభ్యంతరం వ్యక్తం చేస్తూ అసోసియేటెడ్ ప్రెస్‌పై దావా వేశారు. లేఖ లీక్ అయ్యే అవకాశం ఉందని తెలిసి కూడా మార్కెల్ రాశారని ఏపీ తరఫున లాయర్లు వాదించారు. రాజకుటుంబంలో ఉన్న కొద్ది రోజులు తనకు ఎదురైన అవమానాలు, సంఘటనలను బయోగ్రఫీ రూపంలో తీసుకొచ్చేందుకు మాజీ సహాయకుడిని అనుమతించినట్టు మేఘన్ అంగీకరించారు. ఈ అంశాన్ని గతంలో నిరాకరించినా చివరకు కోర్టుకు క్షమాపణలు చెప్పారు. ఇక, ప్రిన్స్ హ్యారీ, మేఘన్ దంపతులు రాజకుటుంబం నుంచి బయటకు వచ్చిన విషయం తెలిసిందే.