ట్రెండింగ్
జీఎస్టీ సోదాల పై స్పందించిన అనసూయ
cinema | Suryaa Desk | Published : Sun, Dec 22, 2019, 04:33 PM
ప్రముఖ యాంకర్లు సుమ, అనసూయ ఇళ్లలో జీఎస్టీ అధికారులు సోదాలు చేపట్టారనే వార్తలు విస్తృతంగా ప్రచారంలోకి వచ్చిన సంగతి తెలిసిందే. ఇప్పటికే ఈ వార్తలను సుమ ఖండించగా.. తాజాగా అనసూయ కూడా స్పందించారు. జీఎస్టీ సోదాలను ఖండిస్తూ.. ఇన్స్టాగ్రామ్లో ఓ పోస్ట్ చేశారు. బంజారాహిల్స్లోని తన ఇంటిపై కానీ, తనకు చెందిన స్థలాలపై ఎటువంటి సోదాలు జరగలేదని స్పష్టం చేశారు. మీడియా అనేది సమాచారం ఇవ్వాలి.. కానీ ఊహజనితమైన కథనాలు, వ్యక్తిగత అభిప్రాయాలను అస్కారం ఇవ్వకూడదు. వినోద రంగంలో కొనసాగడానికి, మంచి పేరు, గౌరవం తెచ్చుకోవడానికి తాము చాలా త్యాగాలు చేయాల్సి వచ్చిందని తెలిపారు. మీడియా చాలా శక్తివంతమైనదని పేర్కొన్న అనసూయ.. సమాజానికి మంచి చేయడం దృష్టి సారించాలని సూచించారు. ఏదైనా వార్తను ప్రసారం చేసే ముందు అందులోని వాస్తవాలు తెలుసుకోవాలని కోరారు.
|
|