ట్రెండింగ్
తెలుగు సీనియర్ నటుడు మృతి
cinema | Suryaa Desk | Published : Wed, Jul 29, 2020, 10:47 AM
సినీ పరిశ్రమలో మరో విషాదం చోటుచేసుకుంది. ప్రముఖ తెలుగు సినీ నటుడు, బహుముఖ ప్రజ్ఞాశాలి, రచయిత రావి కొండలరావు కన్నుమూశారు. గుండెపోటుతో హైదరాబాద్ బేగంపేటలోని ఓ ప్రైవేటు ఆస్పత్రిలో చికిత్స పొందుతూ ఆయన మరణించారు. గత కొంత కాలంగా హుద్రోగ సమస్యలతో ఆయన బాధపతున్నట్లు సమాచారం. 1958లో శోభ చిత్రంతో కొండలరావు సినీ ప్రస్థానం మొదలైంది. దాదాపు 60 ఏళ్లుగా ఈయన తెలుగు ఇండస్ట్రీలోనే ఉన్నారు. 1932, ఫిబ్రవరి 11న శ్రీకాకుళంలో జన్మించారు. నటుడిగా మొదలై.. రచయితగా ఆ తర్వాత ఎన్నో పాత్రల్లో తెలుగు వాళ్లను మెప్పించారు. ఆయన భార్య రాధా కుమారి కూడా నటి. ఈమె 2012లో మరణించారు. ఇద్దరూ భార్యా భర్తలుగా దాదాపు 150 సినిమాల్లో నటించారు. రావి కొండలరావు మృతి పట్ల తెలుగు సినీ ప్రముఖులు సంతాపం తెలిపారు.
|
|