ట్రెండింగ్
సుశాంత్ ఆత్మహత్య కేసులో సడన్ ట్విస్ట్..
cinema | Suryaa Desk | Published : Wed, Jul 29, 2020, 05:27 PM
బాలీవుడ్ నటుడు సుశాంత్ సింగ్ రాజ్పుత్ ఆత్మహత్య కేసు రోజుకో మలుపు తిరుగుతోంది. సుశాంత్ గర్ల్ఫ్రెండ్ రియా చక్రవర్తిపై.. సుశాంత్ తండ్రి బీహార్లోని పోలీసులకు ఫిర్యాదు చేసిన సంగతి తెలిసిందే. ఆమెపై ఎఫ్ఐఆర్ నమోదు చేసిన బీహార్ పోలీసులు ఆమె కోసం ముంబైలోని తన నివాసానికి వెళ్లినట్లు తెలిసింది. అయితే.. బీహార్ పోలీసులకు సహకరించేందుకు సిద్ధంగా లేని రియా ఇంటి నుంచి అదృశ్యమైనట్టు సమాచారం. దీంతో.. బీహార్ పోలీసులు ఆమె కోసం లుకౌట్ నోటీసులు జారీ చేసినట్లు తెలిసింది. ఇదిలా ఉంటే.. ఈ కేసు విచారణను బీహార్ నుంచి ముంబైకి బదిలీ చేయాలని రియా చక్రవర్తి సుప్రీం కోర్టులో పిటిషన్ దాఖలు చేసింది. ఈ విషయాన్ని రియా తరపు న్యాయవాది సతీష్ మనీషిండే తెలిపారు.
|
|