ఆర్జీవీ ఏం ప్రకటన చేయబోతున్నారు..?
cinema | Suryaa Desk | Published : Fri, Jan 18, 2019, 12:18 PM
దర్శకుడు రామ్ గోపాల్ వర్మ 'లక్ష్మీస్ ఎన్టీఆర్' సినిమాను రూపొందిస్తోన్న సంగతి తెలిసిందే. ఇప్పటికే ఈ సినిమాకు సంబంధించి పాటలను, నటీనటుల ఫోటోలను విడుదల చేసిన వర్మ ఈరోజు ఎన్టీఆర్ వర్ధంతిని పురస్కరించుకొని సంచలన ప్రకటన చేయడానికి సిద్ధపడుతున్నాడు.దీనికి సంబంధించి ఆయన పెట్టిన ట్వీట్ ఇప్పుడు సోషల్ మీడియాలో వైరల్ అవుతోంది. ''రామారావు గారు చనిపోయిన జనవరి 18న.. సాయంత్రం 5 గంటలకు మా 'లక్ష్మీస్ ఎన్టీఆర్' మూవీ జీవం పోసుకోబోతుంది'' అంటూ సంచలన ట్వీట్ చేశాడు.
దీంతో అసలు ఆర్జీవీ ఏం ప్రకటన చేయబోతున్నారు..? సినిమా టీజర్ కానీ ట్రైలర్ కానీ వదులుతారా..? అని ఆసక్తిగా ఎదురుచూస్తున్నారు అభిమానులు. సోషల్ మీడియాలో మీ ప్రకటన కోసం ఎంతో ఆతురతగా ఎదురుచూస్తున్నామని కామెంట్లు చేస్తున్నారు.క్రిష్ రూపొందించిన ఎన్టీఆర్ బయోపిక్ కి పోటీగా ఈ సినిమాను రూపొందిస్తున్నాడు వర్మ. అన్నగారికి తను తీస్తున్న 'లక్ష్మీస్ ఎన్టీఆర్' సినిమా కచ్చితంగా నచ్చుతుందని ప్రకటించారు.
|
|