ఫోటో స్టోరీ: ఇలియానా అల్ట్రా మోడ్రన్ లుక్

దశాబ్ధం పైగానే సౌత్ లో స్టార్ హీరోయిన్ గా రాజ్యమేలింది ఇలియానా. తెలుగు తమిళంలో చెప్పుకోదగ్గ చిత్రాల్లో నటించిన ఈ గోవా బ్యూటీ అటుపై బాలీవుడ్ కి జంప్ చేసిన సంగతి తెలిసిందే. అక్కడ పేకాట సరిగా కుదరలేదు. ఒక హిట్టు నాలుగు ఫ్లాపులు చందంగా కెరీర్ తిరోగమనంలో వెళ్లడంతో తిరిగి ప్లేటు పిరాయించింది. ఇటీవలే `అమర్ అక్బర్ ఆంటోని` చిత్రంతో మాస్ రాజా సరసన టాలీవుడ్ లో రీఎంట్రీ ఇచ్చింది. అయితే బిగ్ ఫ్లాప్ తో పునరాగమనం మరోసారి ఇలియానా ఆశలపై నీళ్లు చల్లింది. టాలీవుడ్ రీఎంట్రీ ఘనంగా ఉండాలన్న ఆశ అడియాశే అయ్యింది. దీంతో తిరిగి సౌత్లో ఛాన్సులు కరువవవ్డంతో బాలీవుడ్ కెరీర్ పైనే దృష్టి సారించాల్సిన సన్నివేశం నెలకొంది.

మునుముందు టాలీవుడ్ లో ఇలియానాకి ఛాన్స్ ఉంటుందా .. లేదా? అన్నది ఇప్పుడే చెప్పలేం. అయితే సినిమాల్లేకపోయినా.. ఈ బ్యూటీ రకరకాల అసైన్ మెంట్స్ తో నిరంతరం బిజీగా ఉంటుందన్న సంగతి తెలిసిందే. ఇప్పటికే ఫిజీ దీవులకు బ్రాండ్ అంబాసిడర్ గా పని చేస్తోంది. వీలున్నప్పుడల్లా ఫిజీలో సంచరిస్తూ బికినీ ఫోటోషూట్లతో హీటెక్కిస్తోంది. ప్రియుడు ఆండ్రూ నీబోన్ ఫోటోగ్రఫీ పనితనం కుర్రకారును వెర్రెత్తిస్తోంది.

ఇదిగో ఈ సిరీస్ లోనే ఓ కొత్త  ఫోటోషూట్ తాజాగా వెబ్ ని వేడెక్కిస్తోంది. ఇలియానా రెడ్ హాట్ బికినీలో గుండె జిల్లనిపిస్తోంది. ఇలియానా అల్ట్రా మోడ్రన్ లుక్ ఫెంటాస్టిక్ అంటూ కుర్రకారు మైమరిచిపోతున్నారు. టాప్ లో రెడ్ పీస్.. బాటమ్ లో డెనిమ్ జీన్స్ .. వైట్ షర్ట్ కవరింగ్.. నెక్ లైన్ లో గోల్డ్ బ్రాస్లెట్..  రేబాన్ కళ్లద్దం.. అబ్బబ్బో అంటూ తెగ ఇదైపోతున్నారంతే!! ఇంతకీ ఆ చెవిలో పుష్పం ఎందుకో?