|
|
by Suryaa Desk | Fri, Dec 27, 2024, 03:44 PM
తన ప్రత్యేకమైన పాత్రలు మరియు విభిన్నమైన టైటిల్ చిత్రాలకు ప్రసిద్ధి చెందిన ఉపేంద్ర ఇప్పుడు UI అనే ఎంటర్‌టైనర్‌తో సినీ ప్రేమికులను అలరించడానికి ప్రేక్షకుల ముందుకు వచ్చాడు. 20 డిసెంబర్ 2024న కన్నడ, తెలుగు, తమిళం, హిందీ, మలయాళం వంటి పలు భాషల్లో విడుదలైన ఈ సినిమాకి ఉపేంద్ర స్వయంగా దర్శకత్వం వహించారు. ఇది కోవిడ్19, AI, గ్లోబల్ వార్మింగ్, యుద్ధాలు మరియు సోషల్ మీడియాతో నిండిన 2040 డిస్టోపియన్ ప్రపంచంలోకి వీక్షకులను తీసుకువెళ్లింది. ఈ సినిమా విడుదలైన అన్ని చోట్ల మిక్స్డ్ రివ్యూస్ ని సొంతం చేసుకుంటుంది. తాజాగా ఇప్పుడు ఈ సినిమా ఓవర్సీస్ లో 200K+ గ్రాస్ ని వాసులు చేసినట్లు ప్రకటించారు. ఈ విషయాన్ని తెలియజేసేందుకు మూవీ మేకర్స్ సోషల్ మీడియాలో సరికొత్త పోస్టర్ ని విడుదల చేసి ప్రకటించారు. అజనీష్ లోకనాథ్ సంగీతం అందించిన ఈ సినిమాలో రీష్మా నానయ్య, రవిశంకర్, సాధు కోకిల కీలక పాత్రలలో నటిస్తున్నారు. లహరి ఫిల్మ్స్‌కు చెందిన జి మనోహర్ నాయుడు మరియు వీనస్ ఎంటర్‌టైనర్స్‌పై కెపి శ్రీకాంత్ యుఐని నిర్మించారు.
Latest News