|
|
by Suryaa Desk | Wed, Jan 29, 2025, 10:15 AM
బాలీవుడ్ నటుడు అమీర్‌ఖాన్‌ సతీమణి కిరణ్‌ రావు తెరకెక్కించిన చిత్రం ‘లాపతా లేడీస్‌’. జపాన్‌లో అక్టోబరులో విడుదలైన ఈ సినిమా ఇటీవలే అక్కడ 100 రోజులను పూర్తి చేసుకుంది. తాజాగా, ఈ సినిమా ‘జపాన్‌ అకాడమీ ఫిల్మ్‌ ప్రైజ్‌ 2024’ అవార్డులకుగానూ ఉత్తమ అంతర్జాతీయ చిత్రం’ విభాగంలో షార్టు లిస్టు అయ్యింది.
ఈ జాబితాలో మొత్తం ఐదు చిత్రాలు ఉన్నాయి. ఇందులో క్రిస్టోఫర్‌ నోలన్‌ దర్శకత్వం వహించిన ‘ఓపెన్‌హైమర్‌’.. యోర్గోస్‌ లాంథిమోస్‌ తెరకెక్కించిన ‘పూర్‌ థింగ్స్‌’తో పాటు ‘ద జోన్‌ ఆఫ్‌ ఇంట్రస్ట్‌’, ‘సివిల్‌ వార్‌’ చిత్రాలు ఉన్నాయి. మార్చి 14న జరిగే వేడుకలో విజేతల్ని ప్రకటిస్తారు. కాగా, ఇప్పటికే పలు అంతర్జాతీయ చిత్రోత్సవాల్లో ‘లాపతా లేడీస్‌’ ప్రదర్శితమై చక్కటి ఆదరణ పొందింది. ఈ ఏడాది భారత్‌ తరపున ఆస్కార్‌కి ఎంపికైనా, కమిటీ తయారుచేసిన షార్టులిస్టులో మాత్రం స్థానం సంపాదించుకోలేకపోయింది.
Latest News