|
|
by Suryaa Desk | Wed, Jan 29, 2025, 10:17 AM
నందమూరి బాలకృష్ణ.. ప్రస్తుతం సీనియర్ యాక్టర్ లలో అందరి కంటే యాక్టివ్ గా ఉంటూ ఫుల్ జోష్ తో కనిపిస్తుంటారు. సినిమాల్లో యాక్షన్ సన్నివేశాలైన, మ్యూజిక్ నంబర్స్ అయినా బాలయ్య ఈ ఏజ్ లో అందరి సీనియర్ హీరోల కంటే అద్భుతంగా రాణిస్తున్నారు. మరోవైపు టాక్ షోలలోను స్క్రీన్ బ్లాస్టింగ్ పర్ఫార్మన్సులతో సూపర్ హిట్టుగా నిలుస్తున్నారు. ప్రధానంగా ఈ జెనరేషన్ యంగ్ హీరోలు విశ్వక్ సేన్, సిద్దు జొన్నలగడ్డ వంటి వారితో ఆయన సంభాషించినప్పుడు.. బాలయ్య ఈ జెనరేషన్ తో ఎంత సింక్ లో ఉన్నాడో అర్థమవుతుంది. ఇది ఇలా ఉంటే.. ప్రస్తుతం అందరి మైండ్ బ్లాంక్ అయ్యే న్యూస్ ఒకటి సోషల్ మీడియాలో చక్కర్లు కొడుతుంది అదేంటంటే..ప్రస్తుతం టాలీవుడ్ లో సీనియర్ హీరోలు చేస్తున్న సినిమాలపై తీవ్ర అభ్యంతరాలు వ్యక్తం అవుతున్నాయి.
కోలీవుడ్, మాలీవుడ్‌లలో రజినీకాంత్, కమల్ హాసన్, మమ్మూటీ, మోహన్ లాల్ వంటి హీరోలు ఏజ్ కు తగ్గ పాత్రలు చేస్తూ.. ప్రయోగాత్మక, న్యూ ఏజ్ సినిమాల్లో నటిస్తూ అలరిస్తుంటే.. తెలుగులో మాత్రం ఆ వాతావరణం కరువైంది అనే విమర్శలు గట్టిగా వినిపిస్తున్నాయి. ఈ నేపథ్యంలోనే నందమూరి బాలకృష్ణ యంగ్ డైరెక్టర్స్ తో కొలాబరేట్ కావడానికి ఆసక్తి చూపుతున్నట్లు తెలుస్తోంది.హీరో నాని ప్రొడ్యూసర్ అవతరమెత్తి నిర్మించిన ఫ్రాంచైజీ 'హిట్ సిరీస్'. డాక్టర్ శైలేష్ కొలను దర్శకత్వం వహించిన ఈ సిరీస్ మొదటి పార్టులో విశ్వక్ సేన్, రెండవ పార్టులో అడివి శేష్, మూడో పార్టులో నాని నటించారు. ఇది ఇలా ఉండగా తాజాగా జరిగిన కొన్ని పరిణామాలను పరిశీలిస్తే 'హిట్ 4'వ పార్టులో బాలకృష్ణ నటించనున్నట్లు తెలుస్తోంది.ఇటీవల పద్మ భూషణ్ పురస్కారం అందుకున్న బాలకృష్ణను 'హిట్' టీమ్ నాని, శేష్, శైలేష్ కొలను కలిశారు. హిట్ టీమ్ అంతా బాలయ్యను ఒకేసారి కలవడంతో ఈ 'హిట్ 4లో బాలయ్య నటించనున్నాడని వార్తలు ఊపందుకున్నాయి. వాస్తవానికి ఈ కాంబో సెట్ అయితే ఎంతో మంది విమర్శకుల నోర్లు మూతపడే అవకాశం ఉంది.
Latest News