|
|
by Suryaa Desk | Tue, Mar 18, 2025, 05:54 PM
ప్రభుత్వ భూముల కబ్జాలు ఆగడం లేదు. ఎక్కడ చూసినా అక్రమార్కుల చెరలో పేదలకు చెందాల్సిన ప్రభుత్వ భూములు ఆక్రమణలకు గురి అవుతున్నాయి. ప్రభుత్వం ఎన్నిసార్లు హెచ్చరించినా.. చట్టాలు తీసుకొచ్చినా వీరు మాత్రం కబ్జాలను ఆపడం లేదు. ప్రభుత్వ ఉద్యోగులు, రెవెన్యూ అధికారుల అండతో రిజిస్ట్రేషన్లు చేసుకుంటున్నారు. ఇటీవల ఇలాంటి ఘటనలు తెలంగాణలో ఎక్కువగా వెలుగు చూస్తున్నాయి. కోట్ల విలువ చేసే భూములను కబ్జాదారుల చెరలోకి వెళ్లిపోతున్నాయి. అయితే ఈ అక్రమ రిజిస్ట్రేషన్లపై తెలంగాణ ప్రభుత్వం కూడా సీరియస్‌గా ఉంది. నిషేధిత జాబితాలో ఉన్న భూములను గజం రిజిస్ట్రేషన్ చేసినా.. కఠిన చర్యలు తీసుకుంటామని హెచ్చరికలు కూడా జారీ చేసింది. అయితే ప్రభుత్వ భూముల ఆక్రమణకు సంబంధించి కోర్టులో పిటిషన్ పెండింగ్‌లో ఉండగా.. మరో పిటిషన్ దాఖలు చేశారు. దీంతో అతడికి కోటి జరిమానా విధించారు. దీనికి సంబంధించి పూర్తి వివరాలు ఇలా ఉన్నాయి.
ప్రభుత్వ భూములు పేదల ప్రయోజనాల కోసం ఉండాలనుకునే ప్రాముఖ్యత ఉన్నా.. కబ్జాదారులు వాటిని స్వాధీనం చేసుకుంటూ ఉన్నారు. ఇటీవల కాలంలో ఈ రకమైన అక్రమ రిజిస్ట్రేషన్లు ఎక్కువగా వెలుగు చూస్తున్నాయి. అయితే దీనిపై తెలంగాణ ప్రభుత్వం తీవ్ర చర్యలు తీసుకునే దిశగా ప్రయత్నాలు చేస్తున్నది. నిషేధిత జాబితాలో ఉన్న భూములను గజం రిజిస్ట్రేషన్ చేసి అక్రమంగా భూములు సొంతం చేసుకుంటే.. కఠిన చర్యలు తీసుకుంటామని హెచ్చరించింది.
ఈ క్రమంలో.. తెలంగాణ హైకోర్టు పటిషనర్ వెంకట్రామిరెడ్డిపై ఆగ్రహం వ్యక్తం చేసింది. ప్రస్తుతం హైకోర్టులో ఒక పిటిషన్ పెండింగ్‌లో ఉండగా.. తరువాత మరో పిటిషన్‌ను వేరే బెంచ్‌లో దాఖలు చేశాడు. ఆపై ఆర్డర్ కాపీని తీసుకున్నాడు. ఈ చర్యకు హైకోర్టు ప్రతిస్పందించింది. బండ్లగూడ జాగీర్ ప్రభుత్వ భూములపై పెండింగ్‌లో ఉన్న పిటిషన్‌ను దాచిపెట్టి.. మరో పిటిషన్ వేయడం ఏంటని పిటిషనర్ వెంకట్రామిరెడ్డిని ప్రశ్నించింది. దీనిపై.. న్యాయమూర్తి జస్టిస్ నగేష్ భీమపాక అతడికి కోటి రూపాయల జరిమానా విధించారు. ఈ రకమైన తప్పు విధానాలకు గట్టి సమాధానం ఇచ్చింది హైకోర్టు.. ఈ సంఘటన న్యాయవాద వర్గాల్లో చర్చనీయాంశంగా మారింది.
