ఉషా వాన్స్ ధరించిన డ్రెస్‌లపై ప్రత్యేక చర్చ.. వాటి విలువపైనా ఆసక్తి

అమెరికా ఉపాధ్యక్షుడిగా జేడీ వాన్స్ ప్రమాణం చేశారు. అయితే అమెరికా సెకండ్ లేడీగా జేడీ వాన్స్ సతీమణి హాజరయ్యారు. ఆ పదవిని చేపట్టిన తొలి భారత అమెరికన్ మహిళగా ఉషా వాన్స్ (ఉషా చిలుకూరి) నిలిచారు. ఇక జేడీ వాన్స్ ప్రమాణ స్వీకారం సందర్భంగా.. తన భర్త వైపే చూస్తూ ఉన్న ఉషా వాన్స్ మొహంలో లక్ష వాట్ల విద్యుత్ బల్బులు వెలిగినంత సంతోషం కనిపించింది. ఇప్పుడు ఆ వీడియోలు వైరల్ కావడంతో అంతా ఉషా వాన్స్ గురించి.. నెట్టింట వెతికేస్తున్నారు. ఈ క్రమంలోనే ప్రమాణ స్వీకారం.. అంతకుముందు, ఆ తర్వాత నిర్వహించిన పలు ఈవెంట్లకు ఉషా వాన్స్ ధరించిన డ్రెస్‌లు ఇప్పుడు చర్చకు దారి తీశాయి.

అమెరికాలో కొత్త ప్రభుత్వం కొలువుదీరే సమయంలో రకరకాల ఈవెంట్లు నిర్వహించారు. అమెరికా అధ్యక్షుడి ప్రమాణ స్వీకారం, వైస్ ప్రెసిడెంట్ డిన్నర్, క్యాండిల్ లైట్ డిన్నర్, పుష్పగుచ్ఛం ఉంచే కార్యక్రమంలో ఆమె రకరకాల డ్రెస్‌లతో తళుక్కున మెరిశారు. అయితే వాటి ధర ఎంత ఉంటుంది అనేది ఇప్పుడు సర్వత్రా ఆసక్తికరంగా మారింది. ఇక ఆమె ధరించిన డ్రెస్‌ల ధరలు, అవి ఎలాంటి రకాలు అనే దానిపై జరుగుతున్న చర్చకు సంబంధించిన విషయాలు చూద్దాం.

వైస్ ప్రెసిడెంట్ డిన్నర్

వైస్ ప్రెసిడెంట్ డిన్నర్‌లో ఉషా వాన్స్ ఆస్కార్ డి లా రెంటా అనే డ్రెస్ ధరించారు. కస్టమ్ నోయిర్ వెల్వెట్ గౌను ధరించారు. స్వీట్ హార్ట్ నెక్‌లైన్‌తో పూలు కలిగిన ఆ గౌన్‌ను.. ప్రముఖత ఫ్యాషన్ హౌస్ ఆస్కార్ డి లా రెంటా డిజైన్ చేసింది. అయితే ఆ డ్రెస్ ధర కచ్చితంగా ఎంత ఉంటుందో తెలియకపోయినా.. Cincinnati.com వెబ్‌సైట్ ప్రకారం.. 5290 డాలర్ల నుంచి 7290 డాలర్ల వరకు ఉంటుందని తెలుస్తోంది. అంటే మన భారత కరెన్సీలో రూ.4.56 లక్షల నుంచి రూ.6.33 లక్షలు ఉంటుందని వెబ్‌సైట్ చెబుతోంది. ఇక ఇదే ఆస్కార్ డి లా రెంటా కంపెనీ.. క్యాండిల్ లైట్ డిన్నర్‌లో డొనాల్డ్ ట్రంప్ కుమార్తె ఇవాంకా ట్రంప్ ధరించిన డ్రెస్ కూడా డిజైన్ చేసింది.

ఇక అమెరికా అధ్యక్షుడు ఇచ్చిన క్యాండిల్ లైట్ డిన్నర్‌లో ఇండియన్ డిజైనర్ గౌరవ్ గుప్తా.. భారత సంస్కృతికి అనుగుణంగా రూపొందించిన స్ట్రాప్‌లెస్ డ్రెస్‌ను ఉషా వాన్స్ ధరించారు. అయితే ఈ డ్రెస్ ధర కూడా కచ్చితంగా తెలియనప్పటికీ 1700 డాలర్ల నుంచి 3 వేల డాలర్ల వరకు ఉంటుందని Cincinnati.com వెల్లడించింది. అంటే రూ.1.47 లక్షల నుంచి రూ.2.59 లక్షల వరకు ఉంటుందని అంచనా వేసింది.

అర్లింగ్టన్ నేషనల్ స్మశానవాటికలో పుష్పగుచ్ఛం ఉంచడానికి నిర్వహించిన వ్రెత్ లేయింగ్ ఈవెంట్‌లో ఉషా వాన్స్ సెర్గియో హడ్సన్ డ్రెస్, కోటు ధరించారు. సెర్గియో హడ్సన్ వెబ్‌సైట్‌లో ఈ డ్రెస్ ధర 3695 డాలర్లుగా ఉంది. అంటే మన కరెన్సీలో రూ. 3.18 లక్షలు ఉంటుంది. సాధారణంగా ఈ సైట్‌లోని డ్రెస్‌లు సుమారు 1500 డాలర్ల నుంచి 3వేల డాలర్ల వరకు ఉంటాయని Cincinnati.com వెల్లడించింది.

డొనాల్డ్ ట్రంప్ ప్రమాణ స్వీకారం సమయంలో మళ్లీ ఆస్కార్ డె లా రెంటా తయారు చేసిన డ్రెస్‌ను ఉషా వాన్స్ ధరించారు. స్కార్ఫ్ ర్యాప్‌తో కూడిన పియోనీ కష్మెరె కోటును ఆమె వేసుకున్నారు. అయితే దాని ధర తెలియనప్పటికీ.. ఆస్కార్ డి లా రెంటా వెబ్‌సైట్ ప్రకారం 3490 డాలర్ల నుంచి కేవలం 9వేల డాలర్ల వరకు ఉన్న ఉంటుందని తెలుస్తోంది. అంటే రూ.3 లక్షల నుంచి రూ.7.76 లక్షలు ఉంటుందని అంచనా వేస్తున్నారు. అంటే ఈ మొత్తం 4 ఈవెంట్లు కలిపి ఉషా వాన్స్ రూ.20 లక్షల విలువైన దుస్తులు ధరించినట్లు వివిధ వెబ్‌సైట్ల ద్వారా తెలుస్తోంది.